ამ მხრივ ნიდერლანდებს შეუძლია იამაყოს, რადგან ამ ქვეყანაში უპატრონო შინაური ცხოველი არ არსებობს. ამის მისაღწევად, მათ არ სჭირდებათ ცხოველების განადგურება. შედეგი კი შეიძლება კაცობრიობისთვის საუკეთესო მაგალითი გახდეს. აი, ასე
ცხოველებს აქვთ უფლებები
ერთ-ერთი მთავარი მიზეზი, თუ რატომ არ არის ნიდერლანდებში უპატრონო ძაღლი ან კატა ადამიანების დამოკიდებულებაა ცხოველების მიმართ. " ცხოველს უფლებები აქვს და კანონი მუშაობს, როგორც პატრონიან, ისე უპატრონო ცხოველების დასაცავად". ადგილობრივი მცხოვრებლები თვლიან, რომ ცხოველის მიმართ ჩადენილი სისასტიკე დანაშაულია.
ნიდერლანდებში და ინგლისში შინაურ ბინადარს აქვს იგივე უფლებები, რაც ადამიანს. ეს ნიშნავს, რომ თუ ოჯახი გადაწყვეტს ცხოველის აყვანას, ეს უკანასკნელი ოჯახის სრულუფლებიანი წევრი ხდება და მას ექცევიან ისე, როგორც ბავშვს. ამ წესიდან კარგად ჩანს, რომ ცხოველთა უფლებები ისეთივე მნიშვნელოვანია, როგორც ამ ქვეყანაში მცხოვრები ადამიანების უფლებები.
მიმდინარე კანონი და უსაფრთხოება
ცხოველთა დამცველების დამსახურებით, ХХ საუკუნეში ნიდერლანდებმა მთელი რიგი კანონები მიიღო. მათ შორის ყველაზე მნიშვნელოვანია შემდეგი კანონი, რომლის თანახმადაც, ის ვინც ცუდად მოექცევა ცხოველს ემუქრება ჯარიმა 17 000 ევრო ან 3 წლით თავისუფლების აღკვეთა ყოველგვარი გირაოს გადახდის გარეშე.
ასევე, ხელისუფლების დავალებით ჩატარდა უპატრონო ცხოველების მასობრივი სტერილიზაცია.
ნათელია, რომ პრობლემა სწრაფად ვერ მოგვარდა, თუმცა, მდგომარეობა გახდა მართვადი და ყოველი ცხოველი კონტროლირებადი. სწორედ ამ ცხოველებს სთავაზობდნენ ადამიანებს, რომლებსაც სახლში შინაური ბინადრის ყოლა სურდათ ან მათ პატრონობდნენ თავშესაფარში ყოველგვარი ევთანაზიის გარეშე.
ყველაფრის მიუხედავად, ნიდერლანდებმა მიაღწია მიზანს, რომ ყველა შინაურ ცხოველს სათანადო პირობებში ეცხოვრა.
შედეგი 4 ძირითადი ცვლილებით მოხდა:
1. ცხოველთა უფლებების გამკაცრება;
2. მაღალი გადასახადები ჯიშიანი ცხოველის ყოლაზე და მომშენებლების (სელექციონერები) გაკონტროლება;
3. ცხოველის მიმართ უდიერად მოპყრობის შემთხვევაში მკაცრი და დაუნდობელი ღონისძიებები;
4. ცხოველების მასიური სტერილიზაცია.
დღეს არა მარტო ნიდერლანდებსა და ინგლისში, არამედ თითქმის მთელ ევროპაში ცხოველების მიმართ ჩადენილი დანაშაულის შემთხვევაში მკაცრი კანონები მუშაობს.
ნუ იქნებით ცხოველების მიმართ გულგრილნი და არ მიატოვოთ ისინი. მათაც სჭირდებათ სახლი და მოსიყვარულე ოჯახი.