ძუ ლომი გერმანელმა ტურისტმა ეგვიპტეში შემთხვევით აღმოაჩინა. ასე დაიწყო ცხოველის გრძელი და რთული გზა ნიდერლანდებისკენ.
ტურისტმა ქალმა ლომს ფოტო გადაუღო და ინტერნეტ სივრცეში განათავსა, რათა ცხოველის რთული საცხოვრებელი პირობებით ვინმე დაინტერესებულიყო.
ძუ ლომი პატარაობაში პატრონს ქალაქში დაჰყავდა და ტურისტებს ფულის სანაცვლოდ მასთან
მას შემდეგ, რაც საცოდავი ლომის ფოტო ინტერნეტით გავრცელდა, საქმეში დიდი ბრიტანეთის ერთ-ერთი გარეულ ცხოველთა გადარჩენის ცენტრი ჩაერთო.
ორგანიზაციამ ფოტოების ავტორის დახმარებით შეაგროვა ფული, რათა მტაცებელი პატრონისგან გამოესყიდათ და უსაფრთხო ადგილზე გადაეყვანათ.
საბოლოოდ, ცხოველი უგულო პატრონისგან იხსნეს.
ის გადაიყვანეს სპეციალურად ლომებისთვის განკუთვნილ ნაკრძალში და მას მასირია დაარქვეს.
ძუ ლომის ახალი ცხოვრება სავსებით განსხვავდებოდა ძველისგან. მას შეეძლო, დამტკბარიყო ველურ ბუნებაში სეირნობით, ჰქონდა საკუთარი უზარმაზარი ვოლიერი. რამდენიმე დღის შემდეგ კი მასირია შეხვდა ხვადი ლომის ბოკვერს. სწორედ მან შეცვალა მთელი მისი ცხოვრება.
მეზობელ ვოლიერში ცხოვრობდა ხვადი ლომის ბოკვერი ნეონი, რომელიც საფრანგეთის ცირკიდან გადაარჩინეს.
ისევე როგორც მასირია, ნეონიც იძულებული იყო ფოტო ობიექტივის წინ ტურისტებთან ერთად ეპოზიორა. ის პატარაობიდან მოაცილეს დედის რძეს და სარგებლის მიღების მიზნით, აქეთ- იქით დაატარებდნენ.
ორი დიდი კატა ყოველდღე ვოლიერების გამყოფთან ხვდებოდნენ ერთმანეთს და შორიდან თამაშობდნენ.
სწორედ ამიტომ, მომვლელებმა მათი ერთად დასახლება გადაწყვიტეს.
ნერონი და მასირია პირველი დღიდან განუყრელი მეგობრები გახდნენ.
ძუ ლომი ნერონს დედობას უწევდა.
მიუხედავად იმისა, რომ ნერონი არც ისე პატარა იყო.
როდესაც ნაკრძალის თანამშრომლებმა გადაწყვიტეს, რომ ძუ ლომი აფრიკაში უნდა დაბრუნებულიყო, ნერონიც მასთან ერთად წავიდა. 2016 წლიდან ორივე მტაცებელი სამხრეთ აფრიკის ნაკრძალში (Emoya Big Cat ) ერთად გაუშვეს.
მათ აქვთ დიდი ვოლიერი, სადაც სეირნობენ, თამაშობენ და მთელ დღეებს ერთად ატარებენ, თითქოს მთელი ცხოვრების განმავლობაში განუყრელი მეგობრები იყვნენ.
ცხოველთა დამცველებისა და კეთილი ადამიანების ძალისხმევამ შედეგი გამოიღო და დღეს ორი ლომი ბედნიერად აგრძელებს ცხოვრებას.
ასევე იხილეთ:
ამ გასაცოდავებული ვეფხვისთვის ბედნიერი ცხოვრება დაიწყო
დრონით გადაღებული, ველურ ბუნებაში მცხოვრები ამურის ვეფხვების ოჯახი
ნაციონალურ პარკში ყველა ბრაკონიერს გაუფრთხილებლად ესვრიან, ვინც მარტორქაზე ინადირებს