მომხდარის შესახებ ერკან ოზერმა განაცხადა. ის მურადიეს რაიონში, მთიან ადგილას ცხვრის ფარას მწყემსავდა. მისი თქმით, ერთ-ერთი ცხვარი კლდის პირას მივიდა და გადახტა, შემდეგ კი, თითქოს მისი მიბაძვით, მას რიგრიგობით მთელი ფარა მიყვა. მწყემსი ცდილობდა, შეეჩერებინა ცხოვლებები, მაგრამ მან მხოლოდ რამდენიმე გადაარჩინა. დახოცილთა რიცხვმა ოთხმოცს მიაღწია.
ცხვრების ასეთი ქცევის მიზეზი უცნობი რჩება. ივნისის დასაწყისში ასეთივე ამოუცნობი შემთხვევა მოხდა შვეიცარიაში, სადაც 13 ძროხა 50-მეტრიანი კლდიდან გადახტა.
ცხვრები პირიქით, თავდაცვის მიზნით ერთად იკრიბებიან, თუმცა, მწყემსი დარწმუნებით ამბობს, რომ ტრაგიკული ინციდენტის დროს ცხოველებს არაფერი ემუქრებოდათ. ადგილობრივი მცხოვრებლებისთვის სოფლის მეურნეობა შემოსავლის ძირითადი წყაროა და ცხვრების დახოცვა მათთვის სერიოზული დარტყმა იყო.