”ბევრი ვიფიქრეთ, ათასი იდეა განვიხილეთ და უარვყავით. ცოტა ხნის წინ კი ჩვენი მეგობრის ძაღლს დაბადების დღეზე მაისური შევუკერეთ. მეგობარს ძალიან მოეწონა და გვითხრა, რომ საქართველოში არავინ აწარმოებს ძაღლის ტანსაცმელს, გამოწერას ბევრი დრო უნდა და ესეც საკმაოდ ძვირი ჯდება, ხარისხიანი პროდუქცია არც ისე ხელმისაწვდომია და კარგი იქნებოდა გაგვეგრძელებინა ეს საქმე. ასე გადავწყვიტეთ შეგვექმნა პირველი ქართული ბრენდი,
სტარტაპერებმა საქმიანობა ერთი თვის წინ დაიწყეს და მათი თქმით, ამ დროის განმავლობაში დაინტერესება საკმაოდ დიდია. მრავლადაა შეკვეთები როგორც ტანსაცმელზე, ისე ავეჯზე. „მურია“ მომხმარებლებს ძაღლებისთვის როგორც ყოველდღიურ, ისე სადღესასწაულო ტანსაცმელს, აქსესუარებსა და საწოლებს, ბაფთებს, ყელსაბამებსა და პუფებს სთავაზობს.
”იმედი გვაქვს, რომ ჩვენი ცნობადობის ზრდის პარალელურად, მომხმარებლების რაოდენობაც გაიზრდება. ახლა საზაფხულო კოლექციას ვამზადებთ: ქუდებს, ჩანთებს, პირსახოცებს, აქსესუარებს, პერანგებს, მოკლედ ყველაფერს, რაც ძაღლებს არდადეგებზე დასჭირდებათ. შემოდგომაზე ზამთრის კოლექციას დავამზადებთ, რომელსაც „ჯეკაია“ ერქმევა. ვაპირებთ ძალიან ბევრი საინტერესო და სახალისო პროექტის გაკეთებას. ბევრი გეგმა გვაქვს, რომლებიც ძაღლებისა და მათი პატრონების ურთიერთობას კიდევ უფრო საინტერესოს და ხალისიანს გახდის”, - ამბობს ნუცა გუჩაშვილი.
სტარტაპერებმა გარკვეული პოპულარობა მოკლე პერიოდში მოიპოვეს. თუმცა მათთვის საქმიანობის დაწყება და მართვა მარტივი ნამდვილად არ ყოფილა.
”ჩვენს შემთხვევაში ყველაზე რთული... იხილეთ გაგრძელება
ნანა მღებრიშვილი