რამდენი საათის განმავლობაში სძინავს სხვადასხვა სახეობის ცხოველს?
07.03.2017
ვის არ უყვარს ძილი? ალბათ ყველას - როგორც ადამიანებს, ისე ცხოველებს, მაგრამ თუ ადამიანისთვის 8-საათიანი ძილი საკმარისია, ცხოველებს განტვირთვისთვის ბევრად მეტი დრო სჭირდებათ.
ცხოველები, რომლებიც ყველაზე დიდ დროს ძილში ატარებენ.
პანდა
მთელი დღის განმავლობაში პანდას ძირითადი აქტივობა ჭამა და ძილია. თუ მას დღე-ღამე სძინავს 10 საათის განმავლობაში, დარჩენილ დროს კვებაში
ხარჯავს.
ღორი
ღორის ძილი 12-დან 14 საათამდე გრძელდება: მისი მოწოდება ჭამა და ძილია, რაც ხელს უწყობს ცხიმის წარმოქმნას. ძილის დროს ღორებს უყვართ სითბო, ამიტომ ისინი ერთმანეთს ეხუტებიან.
ციყვი
საათის განმავლობაში სძინავს სხვადასხვა სახეობის ცხოველს?" />
როგორც ცნობილია, ციყვის
დღის რაციონი შედგება თხილისგან, რომელიც მდიდარია ნახშირწყლებით, ამიტომ გასაკვირი არაა, რომ მას დღე-ღამის განმავლობაში 14 საათი სძინავს.
ზაზუნა
ზაზუნას დღე გაწერილია წუთებით - რამდენიმე წუთი სირბილი, ასევე კვება (შესვენებით) და 14-საათიანი ძილი.
ლემური
ლემურები მთელი დღის განმავლობაში აქტიურები არიან, ხოლო ღამე იკრიბებიან და ერთად იძინებენ. მათი ძილის პერიოდი 16 საათი გრძელდება.
კატა
კატები ნამდვილად იღბლიანები არიან, რადგან ისინი ძილს, დღე-ღამის განმავლობაში, 18 საათს უთმობენ.
ლომი
ლომები ცხოვრობენ სავანაში, სადაც საშინელი სიცხეა. ამ ტემპერატურისგან თავის დასაღწევად, ცხოველთა მეფეებს 18-დან 20 საათამდე სძინავთ, ზოგჯერ - 24 საათის განმავლობაშიც კი.
ბეჰემოთი
ამ ცხოველებს 16-18 საათის განმავლობაში ჯგუფურად სძინავთ. ისინი წყლის ქვეშ იძინებენ, მაგრამ დროდადრო ამოდიან ზედაპირზე, რათა ჟანგბადი ჩაისუნთქონ.
ღამურა
წლის დასაწყისში ღამურები განიცდიან საკვების უკმარისობას, ამიტომ ისინი 24 საათის განმავლობაში სულ რაღაც 4 საათი არიან აქტიურნი.
ზარმაცა
ზარმაცა ერთ-ერთი ყველაზე ზანტი ცხოველია. იგი მთელ თავის ცხოვრებას ატარებს იმ ხეზე, სადაც იბადება, ცხოვრობს, იკვებება და სძინავს 20 საათის განმავლობაში.
კოალა
კოალას ცხოვრება ნამდვილი სამოთხეა. მას ძილშიც კი შეუძლია მიიღოს საკვები, რომლის გადამუშავებაშიც დღის 75%-ს ხარჯავს. კოალას ძირითადი საკვების რაციონი ევკალიპტია, სწორედ ამ მცენარის ხეზე მოკალათებულს ეძინება საკვების ღეჭვის დროს, რაც 18-დან 22 საათამდე გრძელდება. ავსტრალიაში სტუმრობისას, ტურისტების უმეტესობა, რომლებსაც კოალას მოფერება სურთ, უკმაყოფილებას გამოხატავენ, რადგან ამ ცხოველს ყოველთვის სძინავს.
ასევე იხილეთ:
ცხოველები, რომლებსაც ყველაზე დიდ ხანს შეუძლიათ საკვების გარეშე გაძლონსაკუთარი გამორჩენის მიზნით, მხოლოდ ადამიანები არ იტყუებიან, არამედ ცხოველებიც5 გავრცელებული მითი თვითგადარჩენის შესახებ, რომლებიც შესაძლოა, სასიკვდილო აღმოჩნდეს