ირმის ხორცი დელიკატესია, მისგან გემრიელი კერძები მზადდება. სწორედ ამიტომ ირმებს განსაკუთრებით ემტერებიან მონადირეები. ადრე ირმები აქ მეტი იყო, თუმცა, მათგან უმრავლესობა მონადირეებმა იმსხვერპლეს.
ცხოველი ოჯახს უკვე სამი წელია სტუმრობს. როგორც წესი, ზაფხულში
სამი წლის წინ ირემი მონადირეებმა დაჭრეს და ის ნორვეგიელმა ოჯახმა გადაარჩინა. მათ უბრალოდ არ მიუშვეს იარაღიანი ადამიანები დაჭრილ ირემთან და ის სახლში წაიყვანეს, სადაც უვლიდნენ და გამოაჯანმრთელეს. ოჯახმა მას ფლიპენი დაარქვა, რაც ”მტირალას” ნიშნავს, რადგან მას თვალები მუდმივად ცრემლიანი აქვს.
"როდესაც ის ცეცხლთან მოდის, დგას და მელოდება. ის ყოველთვის გველოდება, როდის გავიღვიძებთ, რომ პური მივცეთ. ძალიან ლამაზია და უზარმაზარი რქები აქვს. ახლა უკვე მონადირეებისგან არავინ ცდილობს მის მოკვლას, რადგან ის ჩვენი მეგობარია", - ყვება ოჯახის ერთ-ერთი წევრი მეტტე კვამი.
ზამთარში ის ჩვენთან ხშირად მოდის. ზაფხულსა და გაზაფხულზე იშვიათად, რადგან შორს, მთებში მიდის, მაგრამ ჩვენ ყოველთვის გვიხარია მისი მოსვლა.
მეტტეს თქმით, ცხოველის უსაყვარლესი საკვები პურია. ადგილობრივ მაღაზიაში გამყიდვლები უფასოდაც კი გვაძლევენ პურს სპეციალურად ირმისთვის.
ცხოველმა უკვე სახელი გაითქვა, მაგრამ უცხოებს მაინც ახლოს არ ეკარება.
"ის ძალიან მორიდებულად იქცევა და უცხო ადამიანების ეშინია", - ამბობს კვამი.