ფოტოხელოვან პეტი უაიმარს თოვლიან ბუნებაში თეთრი დათვების ფოტოზე გადაღება სურდა. ის თავისი პროექტის განსახორციელებლად გაემგზავრა ბარტერის კუნძულზე (ალასკა), მაგრამ გაოცებული დარჩა, როცა იქ თოვლი არ დახვდა.

"ეს ჩემთვის დიდი სიურპრიზი იყო, როდესაც ალასკაზე ჩასულმა, აღმოვაჩინე, რომ იქ არც თოვლი იყო და არც ყინული. ადგილობრივმა მცხოვრებლებმა მითხრეს, რომ წელს  უჩვეულოდ თბილი ზამთარი იყო და თოვლი შესაძლოა, მოგვიანებით მოსულიყო."- ამბობს უაიმარი.

მან თეთრი დათვები ქვიშაში და სიბინძურეში აღმოაჩინა და გადაწყვიტა, ეს უცნაური სანახაობა ფოტო კამერაზე აღებეჭდა.


"აღმოვაჩინე რამდენიმე დათვი, რომლებიც ბარტერის მდინარის ნაპირას ქვიშაზე ისხდნენ, იქ არ იყო არც თოვლი და არც ყინული. ერთი სურათიდანაც კი მთელ ისტორიას წაიკითხავთ." - ამბობს ფოტოხელოვანი.



"National Geographic"-ის ფოტოკონკურსში უაიმარის ერთ-ერთმა ფოტომ  მოიპოვა პრიზი, რომელსაც "არა თოვლი, არა ყინული" უწოდეს.



უაიმარის მიერ ალასკაზე გადაღებული ფოტოები უსიტყვოდ გადმოსცემს დღევანდელი მსოფლიოს მნიშვნელოვან პრობლემას - გლობალურ დათბობას.




ფოტოგრაფის თქმით, მისი სურვილია, დონალდ ტრამპმა იმოგზაუროს არქტიკაზე და ნახოს, რა ხდება იქ, ამის შემდეგ ის მიხვდება, თუ "რატომ უნდა დაიცვას და გაუფრთხილდეს ამ საოცარ ადგილს."



ასევე იხილეთ:

რა ხდება წელიწადში მხოლოდ ერთხელ ალასკის ტყეში?