ბენგალური ძუ ვეფხვი აშა ცხოველთა თავშესაფარში In-Sync Exotics-ში 2011 წელს 9 თვის ასაკში მოხვდა. ის 13 კილოგრამს იწონიდა, თუმცა, მისი ასაკის ვეფხვები ასეთ ასაკში 50 კილოზე ნაკლებს არ იწონიან. მთელ სხეულზე კანი დაზიანებული ჰქონდა (სისხლჩაქცევები, იარები და სხვ.). ვეფხვის მდგომარეობა მთლიანობაში საკმაოდ მძიმე იყო.



გაირკვა, რომ აშა მოხეტიალე ცირკში დაიბადა და გაიზარდა. მისი მთელი ცხოვრება გავიდა ვიწრო გალიაში, დიდ ვეფხვებთან ერთად, რომლებიც ხშირად თავს ესხმოდნენ პატარას და საკვებს ართმევდნენ, ამიტომ არ არის გასაკვირი, რომ ვეფხვი დათრგუნული და დაავადებული იყო. სწორედ ასეთ მდგომარეობაში მოხვდა ცირკის ცხოველი ცხოველთა თავშესაფარში.



თავშესაფრის თანამშრომლები აშას თავს ევლებოდნენ: დღეში ორჯერ აძლევდნენ წამალს, უკეთებდნენ სამკურნალო აბაზანებს, მასთან ერთად ატარებდნენ დროს. 8 კვირის შემდეგ ვეფხვის ბეწვმა ზრდა დაიწყო.



ახლა, რამოდენიმე წლის გასვლის შემდეგ, აშა სრულიად ჯანმრთელია და სიცოცხლე უხარია.