ჯერ კიდევ დაწყებით სკოლაში ბავშვებს უტარდებათ სიკეთისა და ცხოველებთან ეთიკური მოპყრობის გაკვეთილები, რომლებსაც ცხოველთა დამცველი ორგანიზაციის წარმომადგენლები ატარებენ. თავშესაფარში მოხალისედ მუშაობა ისევე პრესტიჟულად ითვლება, როგორც ცხოველების თავშესაფრიდან აყვანა.
პატრონების მიერ მიტოვებული ძაღლების შემცირების მიზნით, ხელისუფლებამ უდიერი პატრონების მიმართ დასჯის გამკაცრება გადაწყვიტა.
იტალიის მოქალაქეები, რომლებიც ცხოველის ქუჩაში გაგდებას გაბედავენ, შესაბამისად დაისჯებიან. ეს შეიძლება იყოს ჯარიმა 10
ასევე, მათ მიმართ, ვინც ქუჩაში ცხოველს მანქანით დაეჯახა (განურჩევლად შინაურს, თუ გარეულს) და დახმარების გარეშე მიატოვა, იტალიის კანონმდებლობა ასევე დასჯას ითვალისწინებს. ამჟამად საგზაო-სატრანსპორტო შემთხვევის დროს, რომელიც ცხოველებს შეეხება, მძღოლი ვალდებულია ცხოველთა პოლიცია გამოიძახოს.
მთელი იტალიის მასშტაბით მოქმედებს ე.წ. “მწვანე ნომერი”. მასზე დარეკვით შეიძლება გაჭირვებული ცხოველის დახმარება, იქნება ეს პატრონის მიერ მიტოვებული თუ ავტოტრანსპორტის მიერ გატანილი ველური ცხოველი.
ცხოველთა დაცვის სოციალური პროგრამებისა და მოქმედი კანონის დახმარებით, უსახლკარო ცხოველების რაოდენობა იტალიაში დღითიდღე მცირდება.
