ნაციონალურ პარკში “ლეოპარდის მიწა” ფოტოხაფანგში “გაბმულმა” ვეფხვმა “სელფი” გადაიღო - კამერამ ვეფხვი მსხვილი პლანით დააფიქსირა. ფოტო ნაკრძალის Instagram-ზე გამოქვეყნდა.

გარეული ცხოველები პირველად არ შედიან კონტაქტში ფოტოტექნიკასთან, როდესაც შედეგად მოულოდნელი ფოტოს თუ ვიდეოკადრის გადაღება ხდება.

მაგალითად, 2015 წლის ივლისში “სელფი” ნიკარაგუელმა ზარმაცამ გადაიღო. იმავე თვეს ვიდეოკამერა გაიტაცა თოლიამ და ატლანტიკის ხედების გადაღებისას რამოდენიმე კადრი საკუთარ თავსაც გადაუღო. ერთი თვით ადრე ბალიზე მაკაკამ ტურისტს GoPro კამერა წაართვა და ასევე გადაიღო ავტოპორტრეტი.