ფოტოგრაფი ჯულია ფულერტონ-ბარტენი ძლიერი ფოტოპროექტებით ცნობილია. როგორც ხელოვანი ადამიანი, ჯულია შთაგონების მუდმივ ძიებაშია. ამჯერად ახალი წარმოუდგენელი ფოტოსერიის შესაქმნელად ის შთააგონა ისტორიამ ერთ უსახელო გოგონაზე, რომელიც ძაღებმა გაზარდეს. მან მსოფლიოს მასშტაბით შეაგროვა ისტორიები უცნაურ ბავშვებზე, რომლებიც სოციუმის გარეთ აღიზარდნენ.
გოგონა, რომელიც მგლებმა გაზარდეს. მექსიკა. 1845-1852 წელი.
პრავა, ბიჭი-ფრინველი. რუსეთი, 2008 წ.
შვიდი წლის ბიჭუნა,სახელად პრავა, პატარა ოროთახიან ბინაში იპოვეს, სადაც ის დედასთან ერთად ცხოვრობდა. თუმცა, ის იმით გამოირჩეოდა ჩვეულებრივი ბავშვებისგან, რომ მოთავსებული იყო ოთახში, სადაც უამრავი ფრინველით სავსე ათობით გალია იდგა. დედა ბავშვს ისე ექცეოდა, როგორც მორიგ შინაურ ბინადარს. მან არ იცოდა ლაპარაკი, მხოლოდ ჭიკჭიკებდა, ხოლო როდესაც რამეს ვერ ხვდებოდა, ხელებს ფრთებივით იქნევდა. პრავა დედას ჩამოართვეს და ფსიქოლოგიური დახმარების ცენტში მოათავსეს, სადაც მის საზოგადოებაში დაბრუნებას ცდილობდნენ.
შამდეო, ინდოეთი, 1972 წ.
როდესაც ეს ბიჭი დაახლოებით 4 წლის ასაკში ტყეში იპოვეს, საშინელი შესახედაობისა იყო. კბილები მგელივით გალესილი ქონდა, თმები აბურდული, ხოლო მუხლებზე და იდაყვებზე გაუხეშებული კანი იმის შემდეგაც კი დარჩა, როდესაც ბავში დედა ტერეზას სარეაბილიტაციო ცენტრში წაიყვანეს, მან ვერ შეძლო უმი ხორცის ჭამის მიტოვება.
აქსანა მალაია, უკრაინა, 1991 წ.
8 წლის ასაკში ის ძაღლებთან ერთად ჯიხურში იპოვეს. ამათგან 6 წელი მან ძაღლის სახლში გაატარა. მისი მშობლები ალკოჰოლიკები იყვნენ. ერხელ, როდესაც პატარა ეძებდა ადგილს, სად გამთბარიყო, სწორედ ძაღლის ჯიხური გახდა მისთვის თავშესაფარი. ის დარბოდა ოთხზე ენაგადმოგდებული და ყეფდა, როდესაც საფრთხეს გრძნობდა. ახლა აქსანა 30 წლისაა და ოდესის ერთ-ერთ კლინიკაში ცხოვრობს. თითქოს ბედის ირონიაა ის, რომ აქსანა იქ შინაურ ცხოველებს უვლის.
ჯენია, აშშ, 1970 წ.
მადინა, რუსეთი, 2013 წ.
ამ ისტორიამ არც ისე დიდი ხნის წინ შეაშფოთა რუსეთის საინფორმაციო საშუალებები. ორი წლის წინ სოციალურმა მუშაკებმა იპოვეს დაახლოებით 3 წლის გოგონა, რომელიც მშვიდად ცხოვრობდა ქუჩის ძაღლებთან ერთად. პატარა იყო შიშველი, დაცოცავდა ოთხზე, ძაღლივით იღრინებოდა. აღმოჩნდა, რომ მისი მშობლები სვამდნენ. მოწმეების თქმით, დედას შეეძლო მშვიდად მჯდარიყო მაგიდასთან და არაყი ესვა, როდესაც გოგონა გარეთ უსახლკარო ძაღლებთან ერთად ძვლებს ღრღნიდა.
სუჯიტ კუმარი (ბიჭი-ქათამი), ფიჯი, 1978 წ.
ეს ბიჭი ჯერ კიდევ ბავშვობაში მშობლებმა საქათმეში ჩაკეტეს. დედამ თავი მოიკლა, მამა მოკლეს. ბავშვზე პასუხისმგებლობა საკუთარ თავზე ბაბუამ აიღო, თუმცა, ის საერთოდ არ უვლიდა შვილიშვილს. სუჯიტი 8 წლის იყო, როდესაც გამვლელები შემთხვევით შეხვდნენ მას გზაზე. ბავშვის ქცევა მათ ძალიან უცნაური ეჩენათ. ბიჭი კრიახობდა, ქათამივით პირით მიწიდან იღებდა ნამცეცებს და ჭამდა, ხელების ქნევით ქათმის ფრთების იმიტაციას აკეთბდა. უცნაური ბიჭი სახელმწიფოს მზრუნველობის სახლში მეთვალყურეობის ქვეშ გადაიყვანეს. მაგრამ იქაც იმდენად აგრესიულად იქცეოდა, რომ 20 წლის მანძილზე მიბმული იყო ლოგინზე. ახლა ბიჭი-ქათამი უკვე თითქმის 40 წლისაა და ვინმე ელისაბედ კლაიტონთან ცხოვრობს მისივე მეთვალყურეობის ქვეშ, რომელმაც ის თავშესაფრიდან თავისი პასუხისმგებლობით გამოიყვანა.
ქამალა და ამალა, ინდოეთი, 1920 წ.
ივანე მიშუკოვი, რუსეთი, 1998 წ.
ჯონ სებუნია (ბიჭი-მაიმუნი), უგანდა, 1991 წ.
ჯონის ბავშვობა ჯოჯოხეთს გავდა. როდესაც მამამ მის თვალწინ დედა მოკლა, ბიჭი ჯუნგლებში გაიქცა. იქ ის ძუძუმწოვრებთან ერთად იზრდებოდა. როდესაც ბავშვი ადამიანებმა იპოვეს, მისი სხეული მთლიანად დაფარული იყო ბეწვით, რადგან მის მთელ რაციონს კაკალი, მანიოკი და ტკბილი კარტოფილი წარმოადგენდა. სარეაბილიტაციო ცენტრში მუშაკებმა ჯონს ლაპარაკი ასწავლეს. მას ძლიერი ვოკალური მონაცემები აღმოაჩნდა. ახლა ის საბავშვო გუნდთან "აფრიკის 20 მარგალიტი" ერთად მსოფლიოს მასშტაბით მოგზაურობს.
როგორც შეამჩნევდით, "ველური ბავშვები", რომლებიც ფაუნის წარმომადგენლებმა გაზარდეს, ფაქრობრივად ყველა კონტინენტზე გვხვდება. ფოტოგრაფ ჯულია ფულლერტონ-ბარტენის დახმარებით მალე მათ შესახებ მთელი მსოფლიო შეიტყობს.
