მითუმეტეს, როდესაც ცხოველი ან ფრინველი გენდობა და უყვარხარ, მოვალე ხარ გიყვარდეს და იზრუნო მასზე. ასეთი საოცარი სიყვარულის ამბავი იყო სწორედ "მავნესა" და მამა იოანეს მეგობრობა, რომელიც მკითხველმა მამა იოანეს ჟურნალისტ სოფო ჩაკვეტაძესთან უცნაური შეხვედრიდან შეიტყო.
"მავნეს" კიდევ ერთი მეგობარი ჰყავდა, ბექა მშვილდაძე, "პალიტრა ტვ"-ის ოპერატორი. მაგრამ ყველაზე ახლო მეგობარი მაინც "მუფასა" იყო. ეგ "მავნეზე" ავიაო - ამბობდა ბექა.
გავიდა დრო და მოშინაურებული მგელი ვიღაცამ ტირის თოფით თვალში დაჭრა.
მგელი მამა იოანესთან ერთად მონასტერში დაბრუნდა. გადაწყვეტილი იყო მისი ნაკრძალში გაშვება. იქ აღარავინ დააზიანებდა, თავისი ტომის ახალ მეგობრებს შეიძენდა და ლაღად იცხოვრებდა ბუნებაში, მაგრამ არ დასცალდა…
მეზობელ სოფლამდე, ჭოპორტამდე ურბენია "მავნეს". ვინ იცის რას გაჰყვა, რაიმე ცხოველს, თუ ახალ მეგობარს, ან უბრალოდ გზას... ვერავინ იცნო ალბათ იქ ეს მოშინაურებული მგელი, შეეშინდათ და მოკლეს…
ვერ გადაარჩინეს ადამიანებმა ის, ვინც ენდო... ისევ ადამიანებისგან ვერ გადაარჩინეს...
მამა იოანემ იქაურობა დატოვა... წავიდა... აღარ გვიკითხავს სად...
ანი ქარჩავა სპეციალურად ZooClub.ge-სთვის
