შიში ერთ-ერთი ემოციაა, რომელსაც მრავალი დამთვალიერებელი განიცდის ზოოპარკის მონახულებისას. სიახლოვისა და საშიშროების ილუზია აქ იმდენად რეალურია, რომ ადრენალინის მოზღვავება იგრძნობა - თითქოს ველურ გარემოში ხვდები ცხოველის პირისპირ.
"მსგავსი რამ მსოფლიოს არც ერთ სხვა ზოოპარკში არ განმიცდია", - ამბობს ერთ-ერთი დამთვალიერებელი.

ბიოპარკი კიდევ მრავალი ასპექტით არის გამორჩეული. სხვა ზოოპარკებისგან განსხვავებით, სადაც სხვადასხვა სახეობა ცალ-ცალკე ცხოვრობს, ვალენსიაში მათ ერთად ცხოვრების უფლებას აძლევენ ისევე, როგორც ბუნებაში, ამიტომ აქ შეიძლება ნახოთ, როგორ იყოფენ ადგილს გორილები და მაიმუნები, ან სირაქლემა ემა როგორ ცხოვრობს ზებრების შორიახლოს. სხვადასხვა სახეობა, რომლებიც ველურ გარემოში მშვიდად და ბუნებრივად თანაცხოვრობენ, ერთად არიან მოთავსებულნი. ხოლო, ყველაზე უვნებელ ცხოველებს, როგორიცაა ლემური, შეიძლება, პირდაპირ ყველანაირი ბარიერის გარეშე შეხვდეთ. ვალენსიის ბიოპარკში მრავალი  წინაღობაა, უბრალოდ დაფარულია, რომ დამთვალიერებლებმა მცირე ხნით მაინც იცხოვრონ საოცარ ველურ ბუნებაში!

იხილეთ ფოტოგალერეა