7 დეკემბერს "Discovery"-ზე გავიდა გადაცემა "ცოცხლად შეჭმა", სადაც ანაკონდა ცოცხალ ადამიანს ყლაპავს. პროექტი საკმაოდ დიდ ხანს მზადდებოდა და მილიონობით ადამიანი სულმოუთქმელად ელოდებოდა ამ კადრების ნახვას. ბევრი მოწინააღმდეგეც გამოუჩნდა, ისინი თვლიდნენ, რომ ეს ცხოველისადმი სასტიკი მოპყრობა იყო.

ეს გაბედული ნაბიჯი, ამერიკელმა ბუნების დიდმა მოყვარულმა, მკვლევარმა და დოკუმენტალისტმა პაულ როზოლიმ, გადადგა. ის აღჭურვილი იყო სპეციალურად დამცავი კოსტუმით, ჰქონდა გადამცემი მოწყობილობები, რითიც ექიმებსა და სპეციალისტებთან კომუნიკაციას ამყარებდა. პაულს ცხოველის სისხლი წაუსვეს, რათა ანაკონდას ყურადღება მიექცია.

როდესაც გველმა ადამიანის გადაყლაპვა დაიწყო, ის მსხვერპლს სხეულზე შემოეხვია, გააღო პირი და პაულის თავისკენ მოექცა. თუმცა გადაცემის ორგანიზატორები ვერც წარმოიდგენდნენ, რა გააკეთა ქვეწარმავალმა. როგორც პაული მიხვდა, ანაკონდა თავიდან მისი ძვლების დამტვრევას აპირებდა. მან სასწრაფოდ შველა ითხოვა და იყვირა, რომ გველი მისი მკლავის გადამტვრევას ცდილობდა.

იხილეთ ვიდეო, როგორ ცდილიბს ანაკონდა ადამიანის გადაყლაპვას. 

ასევე იხილეთ:

"Discovery" 7 დეკემბერს წარმოუდგენელ სანახაობას გვპირდება: როგორ ჭამს ანაკონდა ცოცხალ ადამიანს