ფრინველმდივანი ულამაზესი, გრძელფეხება ფრინველია, გამორჩეული თვალის ჭრილითა და წამწამებით. მას მოდელსაც ადარებენ, მისი გრძელი ფეხების გამო. "ფრთიანი ეშმაკი" აფრიკის მთელ ტერიტორიაზე ბინადრობს - დაწყებული სამხრეთიდან სავანამდე.
მისი სიმაღლე 1 მ-ს აღწევს, თუმცა, წონა იშვიათად აღემატება 4 კგ-ს. გაშლილი ფრთებით ფრინველმდივანი 2 მეტრზე მაღალია, თუმცა, მას ფრენა დიდად არ უყვარს, რადგან ამ ფრინველს გრძელი და
ქორისებრთა წარმომადგენელი დღის მტაცებელია, რომელსაც შეუდარებელი მხედველობა აქვს. მთელი დღის განმავლობაში, ის ნადავლს ეძებს და დასდევს. თუ მას თაგვების, ხვლიკებისა და მწერების მოკვლა მარტივად შეუძლია, მოზრდილი შხამიანი გველის მონადირებისას რაინდის სტრატეგიას იყენებს: იმისათვის, რომ გველზე თავდასხმის დროს, მისი შხამისგან თავი დაიცვას, დიდ ფრთებს ფარად იყენებს. სანამ ქვეწარმავალი ინტელექტუალ თავდამსხმელისგან თავის დაღწევას ცდილობს, ფრინველმდივანი მის თავს ფეხით მიწაზე სრესს.
როდესაც სავანაში წვიმების სეზონი იწყება, ფრინველმდივნები წყვილდებიან. ეს ფრინველები მონოგამურები არიან და წყვილად ცხოვრებას ამჯობინებენ. დედალ-მამალი თავიდან ერთად დაფრინავენ და დარბიან, ერთმანეთს თავიანთი ლამაზი ფრთებით ეპრანჭებიან, ხოლო შემდეგ ხეზე ერთად დიდ ბუდეს აშენებენ.
ფრინველმდივანი 2-3 კვერცხს დებს, მათგან მხოლოდ 1 ძლიერი ნაშიერი რჩება. ბარტყები თავგანწირვით იბრძვიან მშობლის მიერ მოტანილ საკვებზე და ხშირად ერთმანეთს ბუდიდანაც აგდებენ. 3 თვის შემდეგ ფრინველმდივნის ნაშიერები დამოუკიდებელ ცხოვრებას იწყებენ.
ეს გრაციოზული ფრინველი ველურ ბუნებაში, დაახლოებით 12 წელი ცოცხლობს.
წყარო: boredpanda
