ამ სახეობის ზოგიერთი წარმომადგენელი იმდენად პატარაა, რომ ზრდასრული მამაკაცის ხელის გულზე თავისუფლად მოთავსდებოდა.
ველურ ბუნებაში დიკ-დიკის ნახვა ძალიან რთულია, რადგან იგი საოცრად მშიშარა არსებაა, თუმცა, ფოტოგრაფებმა ამ ინდივიდებთან მიახლოება შეძლეს და ფოტოებზეც აღბეჭდეს.
რამდენიმე საინტერესო ფაქტი დიკ-დიკის შესახებ:
დიკ-დიკი ძალიან ერთგული ცხოველია. ის პოულობს მეწყვილეს და მასთან ერთად ატარებს მთელ სიცოცხლეს.
ბუნებაში მისი პოვნა რთულია, რადგან მცენარეების ფონზე კარგად
დიკ-დიკი მხოლოდ აფრიკის სხვადასხვა ქვეყანაში ბინადრობს.
მინიატურული ანტილოპას სხეულის სიგრძე 80 სმ-მდე აღწევს, ხოლო სიმაღლე - 35 სმ-მდე.
რქები მხოლოდ მამრ დიკ-დიკს აქვს, ხოლო მდედრს - სასაცილო ქოჩორი.
დაწყვილებული ანტილოპები ერთად გადაადგილდებიან. გარდა ამისა, მამრი ყოველთვის იცავს და დარაჯობს მდედრს.
ყოველ ოჯახს საკუთარი ტერიტორია აქვს - დაახლოებით 100 მეტრი დიამეტრი ან მეტი. ისინი ნიშნავენ საზღვრებს და უცხო ანტილოპას გამოჩენის შემთხვევაში, მას აგრესიულად დევნიან ამ ადგილიდან.
მდედრი დიკ-დიკი ორ წელიწადში ერთხელ მაკეობს. ანტილოპა ზრდასრულად 1 წლის ასაკში ითვლება. მას მშობლები ტერიტორიიდან დევნიან, რათა დამოუკიდებელი ცხოვრება დაიწყოს.
თუმცა, ნაშიერები ცდილობენ მშობლებისგან შორს არ წავიდნენ და მათ სიახლოვეს დასახლდნენ.
ანტილოპები იკვებებიან ფოთლებით, ყვავილებით, სხვადასხვა მცენარის ფესვებით, რომელიც მდიდარია ცილებით, ხოლო წყალს მცენარეებისა და ცხიმისგან იღებენ.
დიკ-დიკისთვის საცხოვრებლად საუკეთესო ბუჩქებით დაფარული ტერიტორიაა, რათა ისინი მტაცებელმა არ შეამჩნიოს. გარდა ამისა, ისინი აკეთებენ ვიწრო თხრილების, სადაც მხოლოდ თავად შეუძლიათ შეძრომა.
ანტილოპა ძალიან სწრაფად დარბის. მას შეუძლია საათში 42 კმ. სიჩქარე განავითაროს.