ხშირად ჩვენს შინაურ ბინადრებთან ერთად ქალაქის ტერიტორიაზე გადაადგილების აუცილებლობა გვექმნება. გავეცნოთ მათთან ერთად საზოგადოებრივი ტრანსპორტით მგზავრობის წესებს.

ქალაქ თბილისის მუნიციპალიტეტის საკრებულოს №7-28 დადგენილების მიხედვით, ქ. თბილისის ტერიტორიაზე მცხოვრებლები, რომლებსაც ჰყავთ შინაური ბინადარი, ვალდებულნი არიან დადგენილების მიღების დღიდან ქალაქ თბილისის ადმინისტრაციულ საზღვრებში ძაღლები (გარდა დეკორატიული ჯიშის ძაღლებისა) საზოგადოებრივი ტრანსპორტით გადაყვანონ მხოლოდ მოკლე საბმელით და ალიკაპით, ან სპეციალური კონტეინერით.

შეზღუდული შესაძლებლობების მქონე პირების თანმყოლი, შეზღუდული უნარების კომპენსირებისთვის სპეციალურად გაწვრთნილი და აღნიშნულის დამადასტურებელი შესაბამისი სერტიფიკატის მქონე ძაღლების პატრონებს (მფლობელებს, მსგავსი ძაღლების დახმარებით მოსარგებლე პირებს), აქვთ ზემოხსენებულ ცხოველებთან დაუბრკოლებლად გადაადგილების უფლება საზოგადოებრივი ტრანსპორტით და დანიშნულების ადგილებში (სავაჭრო ობიექტები, საბანკო დაწესებულებები და სხვა).

დეკორატიული ჯიშებად ითვლება შემდეგი ჯიშები (დალმატინელის, დიდი პუდელის და ჩაუ-ჩაუს გარდა): http://worldkennel.org/group/5


სრულად კანონი იხილეთ: "ქალაქ თბილისის მუნიციპალიტეტის ტერიტორიაზე ცხოველების ( ძაღლების, კატების) მოვლა-პატრონობისა და მათი პოპულაციების მართვის წესი"

მომზადებულია ანი ქარჩავას მიერ