ბრაზილიელმა ანა კაროლინა ლიმამ და მისმა საქმრომ რამდენიმე თვის წინ ქუჩიდან უპატრონო ძაღლი აიყვანეს.
ძაღლს ლუნა დაარქვეს.
ერთ დღეს ანა კაროლინა ლუნასთან ერთად რამდენიმე დღით ბებიას ესტუმრა. ცხოველმა და მოხუცმა საერთო ენა მალევე გამონახეს.
პატრონმა ლუნა რამდენიმე საათით მოხუცთან დატოვა და თავად საქმეებზე ქალაქში გავიდა. სანამ შვილიშვილი სახლში არ იყო, ქალმა დაძინება გადაწყვიტა, ხოლო კბილის პროთეზი ბალიშის ქვეშ დამალა. მან არ იცოდა, რომ ძაღლს ძალიან მოსწონდა დამალული
როდესაც მოხუცმა გაიღვიძა, პროთეზს ორი საათის განმავლობაში ეძებდა, თუმცა, მხოლოდ ანა კაროლინას მოსვლის შემდეგ გაირკვა მისი ადგილმდებარეობა. სახლში დაბრუნებულ პატრონს ეჭვი გაუჩნდა, რომ ნივთის დაკარგვის მიზეზი ლუნა იქნებოდა. მან ძაღლს დაუძახა - ცხოველი კი გოგონას "გაღიმებული" შეეგება.
როგორც ფოტოებიდან ჩანს, ძაღლმა საკუთარ კბილებზე პროთეზი კარგად მოირგო, თუმცა, ის დიდი ხნის განმავლობაში ვერ დაიყოლიეს, რომ ნივთი დაებრუნებინა.
ლუნა თავს დამნაშავედ არ გრძნობდა და არც ნივთის დაბრუნებას ჩქარობდა, მაგრამ კბილებში პროთეზით მოსიარულე ძაღლმა იმდენად გაამხიარულა პატრონი, რომ ის დასჯას გადაურჩა.
წყარო: boredpanda.com
ასევე იხილეთ:
ძაღლმა ეზოში კბილის პროთეზი იპოვა, პატრონი თავიდან ვერ ხვდებოდა, რა სჭირდა ცხოველს
ძაღლმა მძინარე პატრონს პროთეზი მოპარა
