ბავშვს თავის ძლიერი ტკივილები ჰქონდა, ამიტომ მშობლები იძულებულნი გახდნენ, ექიმისთვის მიემართათ. კვლევისას, ბიჭს თავის ტვინის სიმსივნე აღმოაჩნდა. ოჯახმა ჩრდილოეთ კაროლინაში დაბრუნება გადაიფიქრა და მკურნალობის კურსის გასავლელად იუტაში დარჩა. ბავშვს ოპერაცია წარმატებით ჩაუტარდა, ხოლო
ამ დროის განმავლობაში პერინს ძალიან მოენატრა თავისი ძაღლი ფრენკი, რომელიც ჩრდილოეთ კაროლინაში ოჯახმა დროებით ახლობლებს დაუტოვა, თუმცა, ბედმა პატარას საჩუქარი გაუკეთა.
პერინის ისტორია ინტერნეტ სივრცეში სწრაფად გავრცელდა და ათასობით ადამიანის თანაგრძნობა გამოიწვია. როდესაც ბიჭის შესახებ შეიტყო ბობ რეინოლდსმა, რომელიც ოდესღაც მძღოლად მუშაობდა, გადაწყვიტა, 8 წლის ბავშვი გაეხარებინა.
მამაკაცი გაემგზავრა იმ ადამიანებთან, ვისთანაც ფრენკი იმყოფებოდა და მათ ძაღლის წაყვანის ნებართვა სთხოვა. ისინი დათანხმდნენ, რადგან იცოდნენ, რომ მძღოლი კეთილ საქმეს აკეთებდა. ბობმა ძაღლი თავის სატვირთოში ჩასვა და გაუდგა გრძელ გზას, რომელიც 3700 კილომეტრს მოიცავდა.
როდესაც პერნიმ თავისი ძაღლი დაინახა, მის სიხარულს საზღვარი არ ჰქონდა. ის ეხუტებოდა ოთხფეხა მეგობარს და უბედნიერესი იყო.
"ფრენკი ძალიან მიყვარს, ის საოცრად მხიარული ძაღლია", - ამბობს პერინი.
მშობლები სიხარულის ცრემლებით აკვირდებოდნენ შვილის რეაქციას, ხოლო ბობი ბედნიერი იყო, რომ პატარა პაციენტის დახმარება მცირედით შეძლო და მისი დღე გაახალისა.
ასევე იხილეთ:
ექიმებმა ვიდეოზე გადაიღეს ძაღლი, რომელიც გონებადაკარგულ პატრონს გვერდიდან არ შორდებოდა
როდესაც აგრესიული კატა ალერსიან ცხოველად გადაიქცა, პატრონი მიხვდა, რომ რაღაც საშინელი ხდებოდა
"ყოველთვის მემახსოვრები!" ძაღლი 33 წლის მომაკვდავ პატრონს ემშვიდობება
