"ყველაფერი 2017 წლის 12 ივლისს დაიწყო. როდესაც სახლში ვბრუნდებოდი, გზაჯვარედინზე, უამრავ მანქანებს შორის დავინახე მოსიარულე წერტილი, თავიდან შეშინებული იყო და მანქანის ქვეშ შეძვრა, მე ველაპარაკებოდი (ზოგადად ხმას დიდი მნიშვნელობა აქვს). როდესაც მიხვდა, რომ არაფერს დავუშავებდი, გამოვიდა, ხელში ავიყვანე და სახლში წამოვიყვანე", - ამბობს თიკუნა.
მან არ იცოდა, თუ როგორ მიიღებდნენ ოჯახის წევრები ფრინველის სახლში გამოჩენას, თუმცა, გასაჭირში მყოფი არსება ცხოველთა მოყვარულმა გოგონამ მარტო არ დატოვა.
ყვავის ბახალამ ოჯახის წევრების სიყვარული რამდენიმე დღეში მოიპოვა. მეტიც, მას სახლში დახვდა კატა, რომელმაც ფრინველი თბილად მიიღო.
ერთი წელია, რაც ყვავი თიკუნას ცხოვრების განუყრელი ნაწილია.
სამწუხაროდ, როდესაც "ბუნდღლი" იპოვეს, მას კუდი არ ჰქონდა, როგორც ჩანს, ბუდიდან გადმოვარდნისას დაუზიანდა და არც შემდეგ გაზრდია, ამიტომ დიდხანს ფრენა, სხვა ყვავების მსგავსად, არ შეუძლია. პატრონის ვარაუდით, დედა ყვავმა ბახალა სწორედ დეფექტის გამო მიატოვა.
გაგიკვირდებათ, თუმცა, თიკუნა ყვავს ყოველდღე ასეირნებს: "გარეთ ვსეირნობთ... ხელზე მაზის და ისე."
როგორც აღმოჩნდა, მოშინაურებულ ყვავს ძალიან უყვარს ბანაობა. ის დღეში სამჯერ ბანაობს, სახლში ცოტას დაფრინავს, თამაშობს და ოჯახში მყოფ კატასთანაც მეგობრობს.
თიკუნა აღნიშნავს, რომ "ბუნდღლის" ხასიათი ძალიან ჰგავს ადამიანის ხასიათს - ის ბრაზდება და შემდეგ ჩხუბობს. როცა კარგ განწყობაზეა, ამას ნათლად გამოხატავს. მეტიც, შეუძლია წყენა დაიმახსოვროს და სამაგიერო გადაგიხადოთ.
გარდა ამისა, ის აღიქვამს ყველაფერს და აკეთებს იმას, რასაც პატრონი ეტყვის: "დავიბანოთ", "ვჭამოთ", "წავიდეთ"...
თიკუნა ყვავის განსაკუთრებულ თვისებად დიდი ზომის მწერების შიშს ასახელებს. ასევე, "ბუნდღლის" რეაქცია არ აქვს, როდესაც სხვა ყვავების ხმა ესმის: "როდესაც ყვავების ხმა ესმის, უბრალოდ ზევით იყურება და აკვირდება."
ადამიანის მზრუნველობის გარეშე პატარა ფრინველს გარდაუვალი სიკვდილი ელოდა და როგორც ჩანს, ყვავი ამას გრძნობს. ამიტომ იგი პატრონის მიმართ მადლიერებას მუდმივად გამოხატავს.
სასიხარულოა, რომ საქართველოშიც არსებობენ ცხოველთა მოყვარული ადამიანები, რომლებიც უმწეო არსებებს სიცოცხლის მეორე შანსს აძლევენ.
ასევე იხილეთ:
სიკეთე აერთიანებს! – თბილისში გადაარჩინეს ძაღლი, რომელმაც 8 დღე წყლისა და საკვების გარეშე გაძლო
ჩვენთანაც ხდება საოცრებები - 12 წლის მიტოვებულმა ნოლამ ყველაზე თბილი სახლი და მოსიყვარულე პატრონი იპოვა
გორში მიტოვებული ლაბრადორი, სახელად "მარკო" მზრუნველმა ოჯახმა შეიფარა, თუმცა მისი ბურუსით მოცული წარსული 3 წლის შემდეგ გაირკვა...
