ბოსი ძალიან თბილი და საყვარელი ძაღლია. ის მულტიპლიკაციური ფილმის გმირს მოგაგონებთ. ერთი შეხედვით, თითქოს სურათზე ფოტო ეფექტი გამოიყენეს.
სწორედ მისი გარეგნობის გამო, ბოსმა ბევრი ტანჯვა გამოიარა, თუმცა, დღეს ოთხფეხა არსება მოსიყვარულე ადამიანების გარემოცვაში ცხოვრობს.
ახალმა პატრონმა, ჯეიმი ჰულიტიმ საცოდავი ლაბრადორი დაავადებული და გამოფიტული ვეტერინართან მიიყვანა. ცხოველს დიდი ხნის მკურნალობა დასჭირდა: საერთო ისტორიის
"ჩემთვის სულერთი იყო, თუ რამდენად მძიმედ იყო ის დაავადებული. მინდოდა, რომ მას ჰქონოდა სახლი. ასევე, ადამიანებისგან ეგრძნო მზრუნველობა და სიყვარული.
ჯეიმი მშობლების გარეშე გაიზარდა და იცის, თუ როგორი გრძნობაა, როდესაც არავის სჭირდები. სიყვარულმა და მზრუნველობამ ძაღლს ადამიანების ნდობა ასწავლა.
"ის სიცოცხლით სავსეა და ეს ჩვენთვის ბევრს ნიშნავს", - ამბობს ბოსის პატრონი.
რამდენიმე ხნის წინ "ინსტაგრამზე" გამოჩნდა უჩვეულო გარეგნობის მქონე ლაბრადორის გვერდი, სადაც ასობით ადამიანი ბოსს სწერს, თუ რამდენად საყვარელი და მშვენიერია.
"გამარჯობა, ბოს! მე შენი ისტორია წავიკითხე და ძალიან ბედნიერი ვარ, რადგან საბოლოოდ იპოვე მზრუნველი პატრონი."
"შენ საოცარი და საყვარელი სახე გაქვს!"
"შენი ისტორია წავიკითხე და ვტირი. ჯეიმი, მადლობა, რომ ის გადაარჩინე."
"ჯეიმი შენ შეუძლებელი გააკეთე! აღფრთოვანებული ვარ. როდესაც თქვენი ისტორია შევიტყვე, დიდი ხანი ვტიროდი."
ეს მცირე ნაწილია იმ კომენტარებისა, რომლებსაც ბოსი ინსტაგრამის საკუთარ გვერდზე იღებს.
და მართლაც, ამ საოცარმა ძაღლმა ბედნიერი ცხოვრება დაიმსახურა. მიუხედავად იმისა, რომ დეფორმირებული სახე აქვს, თავისი კეთილი გულით არა ერთ ადამიანს შეაყვარა თავი.
ასევე იხილეთ:
გაიცანით: ჩარლი - სმენის არმქონე დალმატინელი, რომლის დაძინებაც უნდოდათ
ის არ ჰგავს ჩვეულებრივ ძაღლს, მაგრამ ყველა შემხვედრს აოცებს კეთილი გულით
