გთავაზობთ უცვლელად მგზავრის ნაამბობს, რომელიც ფეისბუქის დიდი დიღმის ერთ-ერთ გვერდზე დაიწერა:
”მგზავრის ნაამბობი:
"მესამე მიკროს გაჩერებაზე ვდგავარ. იქვე მოზრდილი შავი ძაღლიც ტრიალებს, მგზავრებს გარს უვლის. #54 ავტობუსი მოვიდა, ავედით, დავსხედით, გავიხედეთ - შავი ცუგოც ამობრძანდა უკანა კარიდან, ჩამოუარა მგზავრებს და მძღოლთან მივიდა. გაუხარდა მძღოლს: ძაღლის წელი დადგა და ეს ბედობა დღე ძაღლმა მომილოცაო. ეფერა ცუგოს, შოკოლადითაც გაუმასპინძლდა, ტკბილი სიტყვით
გავიარეთ დიღომი და გუდვილთან გავჩერდით. ეს ჩვენი ყოჩაღი "ფეხბედნიერი" ძაღლუკა, დაშვებულა მოკლე გზებით, თან მეგობრებიც წამოუყვანია და გაჩერებასთან დაგვხვდა კიდევ 4 ძაღლთან ერთად. გავჩერდით, ამობრძანდა ისევ და კეთილ მძღოლს მიადგა შოკოლადისთვის. დანარჩენები ქვემოთ ელოდებიან კანფეტებს. მაგრამ ფაფუ კანფეტები, გათავებოდა შოკოლადები მძღოლს. ვიცინეთ, ვუბოდიშეთ ძაღლებს, მერე გაგვახსენდა, სამსახურებში რომ გვეჩქარებოდა და ტკბილეულის მოყვარული ცუგო მანქანიდან მივაბრძანეთ.
მერე ეზოში დავინახე მსგავსი ძაღლი ხმაურიან კამპანიაში. მგონი, ის იყო, ვინც ავტობუსში თავის მეგობრების წინაშე გავაწბილეთ. ახლა ყველას გავუმასპინძლდი კანფეტებით და იმედი მაქვს, ძველ წყენას გადაივიწყებენ".
თ.ხ.”