ცხოველი ყოველ დილით საკვებისთვის სტუმრობდა ერნს, ზოგჯერ სადილზე ან ვახშმის დროსაც გამოჩნდებოდა, ხოლო შემდეგ კვლავ ტყეში ბრუნდებოდა.
"მისი თვალები ყოველთვის ღია მწვანედ ანათებდა. ის იყო უსინათლო და მაღალი ბალახის, თოვლის, ქარისა და ფრინველების ძალიან ეშინოდა", - ამბობს მამაკაცი.
შესაძლოა, ეს ისტორია მხოლოდ უსინათლო ენოტსა და კეთილ ადამიანზე ყოფილიყო, მაგრამ ცხოველის გამოჩენიდან 5 წლის შემდეგ ისეთი საოცარი რამ მოხდა, რის გამოც ეს ამბავი ცხოველთა მოყვარულების გაოცებას იწვევს.
ერთ დღეს ენოტი ერნს ორ შავ კნუტთან ერთად ესტუმრა. ისინი უსინათლო ცხოველს გვერდიდან არ შორდებოდნენ. მამაკაცმა სამივე დააპურა.
მას შემდეგ პატარა არსებები ენოტთან ერთად ყოველდღე აკითხავდნენ მამაკაცს. როგორც ჩანს, ეს იყო ურთიერთსარგებელი - კნუტები ენოტს გადაადგილებაში ეხმარებოდნენ, ხოლო ცხოველს შინაური ბინადრები მიყავდა კეთილ ადამიანთან, რომელიც მათ საკვებით უმასპინძლდებოდა.
რამდენიმე თვის შემდეგ ენოტი მოკვდა. მან ველურ ბუნებაში მხედველობის გარეშე თითქმის 6 წელი იცოცხლა, რაც ენოტისთვის თითქმის რეკორდული ასაკია (ისინი საშუალოდ 3 წელს ცოცხლობენ). ნაწილობრივ, ეს ერნის დამსახურებაც იყო, რადგან ამ ხნის განმავლობაში იგი გარეულ არსებას კვებავდა.
ცხოველის სიკვდილმა დააღონა არა მარტო მამაკაცი, არამედ ორი მეგობარი კნუტიც. ერნის კნუტების აყვანა სურდა, თუმცა, მათი ნდობის მოსაპოვებლად დიდი დრო დასჭირდა.
საბოლოოდ, მან დაიმსახურა პატარა არსებების ნდობა და სიყვარული.
კნუტები დაახლოებით 6 თვემდე იყვნენ, ეს კი ნიშნავს, რომ ისინი ენოტმა თითქმის დაბადებიდან შეიფარა და დედა შეუცვალა.
ერნის თქმით, კატები ერთმანეთთან ძალიან არიან მიჯაჭვულნი და თითქმის ყველაფერს ერთდროულად აკეთებენ.
ასეთი ჯადოსნური დასასრული აქვს ამ ისტორიას. დღეს კატები ბედნიერები არიან მზრუნველი ადამიანების გარემოცვაში. მთავარია, რომ მათ ოჯახი აქვთ და ყოველივე იმ უსინათლო ენოტის დამსახურებაა, რომელმაც უსუსური არსებები შეიფარა და კეთილ ადამიანთან მიიყვანა.
ასევე იხილეთ:
ვერ წარმოიდგენთ, რას მალავდა გადარჩენილი ძაღლი თათებთან
ამბავი ჯარისკაცზე და ციყვზე, რომლებიც განუყრელი მეგობრები გახდნენ
მოხუცი სიცოცხლის ბოლო დღეებს ითვლიდა, როცა მის ცხოვრებაში სასწაული მოხდა...
