ძლიერი წვიმის შედეგად ადიდებულმა მდინარე ვერემ თბილისში, სანაძის ქუჩაზე მდებარე თამაზ ელიზბარაშვილის ძაღლების თავშესაფარი დატბორა. თავშესაფარი დაახლოებით ღამის 12 საათისთვის დაიტბორა. სტიქიის შედეგად 12 ძაღლი დაიხრჩო. თავშესაფარში სულ 450 ძაღლი იმყოფება. ამ დორისთვის ადგილზე სამაშველო ბრიგადები მუშაობენ, რათა მოხდეს ხეებისგან და შლამისგან თავშესაფრის და მიმდებარე ტერიტორიის გაწმენდა.

როგორც თავშესაფრის მფლობელი თამაზ ელიზბარაშვილი აცხადებს, გაწმენდითი სამუშაოების დასრულების შემდეგ გახდება ცნობილი რა ფინანსური ზარალი მიადგა თავშესაფარს.