ნადირობის წინ თევზი ტოტის ან ბალახის ქვემოთ მიცურდება, რაზეც მწერი ზის და წყლის ზედაპირზე შეშდება. შემდეგ მკვეთრი მოძრაობით უშვებს მისკენ წყალს 2-5 მეტრი სიგრძის ნაკადით. ამასთან, წყლის გაშვების სიძლიერე მსხვერპლის ზომაზეა დამოკიდებული.
ხანდახან ისინი წყლიდან ამოდიან და მსხვერპლს პირით იტაცებენ. მაგრამ ხშირად ისინი წყალში ჩავარდნილი მწერებით იკვებებიან, როგორც სხვა თევზები. ნადირობას კი მხოლოდ მაშინ იწყებენ, თუკი საკვები შემოაკლდებათ.
საინტერესოა, რომ წყლის ნაკადის დახმარებით, თევზები იწყებენ ნადირობას ჯერ კიდევ მაშინ, როდესაც სიგრძით 2.5 სმ-ს აღწევენ. ამ დროს მათი მიზანი ჯერ კიდევ არ არის ზუსტი, ამიტომ ისინი თავის ოსტატობას ხვეწავენ თავისებურ ”სკოლებში”, სადაც სხვა ახალგაზრდა შხეფია თევზებთან ერთად ნადირობენ.