პეტროგლიფების პირველმა ჯგუფმა ატაკამას უდაბნოში ნახატები ჯერ კიდევ 2019 წელს იპოვა. ნახატები ელ-მედანოს ხეობაში წითელი პიგმენტით (ოქსიდი) იყო შესრულებული და მეთევზეებს და მათ ნადავლს გამოხატავდა.
70-იან წლებში სპეციალისტები ამ რეგიონის კვლევას მიუბრუნდნენ.
24 კლდეზე 328 ნახატი აღმოაჩინეს. მათი ზუსტი ასაკი ამ დრომდე დაუდგენელია: შეფასება 7882 წლიდან 1000 წლებს შორის მერყეობს. ისინი დროისა და ამინდის გავლენას განიცდიან. საჭიროა მათი აღდგენა.
რესტავრაციის დასრულების შემდეგ კემბრიჯის უნივერსიტეტის
მეცნიერებმა კლდის მხატვრობის სიუჟეტები უდაბნოს ამ ნაწილში ნაპოვნ საგნებს შეადარეს. მათ შორის - ხელნაკეთი ჰარპუნები, ისრები და სხვა სათევზაო ნივთები.
არქეოლოგები აღნიშნავენ, რომ არტეფაქტები გარკვეულ დონეზე ყვებიან იმ დროის ცხოვრებაზე, რასაც კლდის მხატვრობა მნიშვნელოვან დეტალებს ამატებს. მაგალითად, მათი წყალობით, გასაგები ხდება, თუ რამხელა მნიშვნელობა ქონდა იმ დროის ადამიანებისთვის თევზაობას.
თანამედროვე ჩილელების წინაპრები ზღვაში ტივებით გადიოდნენ. ისინი ვეშაპებსაც კი ესხმოდნენ თავს. ასევე, მათი მსხვერპლი ხდებოდა ზვიგენი, ზღვის ლომი, ხმალთვზა, დელფინი და სხვ.
ადამიანები, რომლებიც ხმელეთზე რჩებოდნენ, შედარებით მარტივი საქმიანობით იყვნენ დაკავებულნი - ისეთი, როგორიც მოლუსკების შეგროვებაა. მეთევზეების ზედმეტ ნანადირევს კი ზღვისგან მოშორებით განლაგებული სოფლების მცხოვრებლებს მცენარეულ საკვებზე უცვლიდნენ.
