12 რჩევა: რა უნდა ვიცოდეთ ზაზუნას ყიდვის დროს?
12 რჩევა: რა უნდა ვიცოდეთ ზაზუნას ყიდვის დროს?
ზაზუნას ყიდვა გაქვთ გადაწყვეტილი, მაგრამ მისი ჯანმრთელობის, კვებისა თუ ქცევების შესახებ არაფერი იცით? რჩევისთვის მიმართეთ სპეციალისტს ან გაეცანით სტატიას.

რჩევა პირველი: არ იყიდოთ ძალიან პატარა ან დიდი ზაზუნა. ის უნდა იყოს არა ნაკლებ 3 კვირისა და არა უმეტეს 3 თვისა. თუ მღრღნელი დაახლოებით ორი კვირისაა, დიდი ალბათობაა, რომ მისი მოვლა გაგიჭირდებათ და მალე დაიღუპება. პატარა ზაზუნას დამოუკიდებლად საკვების მიღება არ შეუძლია.

თუ შეიძენთ ზაზუნას, რომელიც ორ თვეზე მეტისაა, შესაძლოა, მაკედ აღმოჩნდეს. მაკე მღრღნელის მოვლა კი ბევრ პრობლემასთანაა დაკავშირებული.

გარდა ამისა,
გახსოვდეთ, რომ პატარა ზაზუნას მოთვინიერება ბევრად მარტივია.

რჩევა მეორე: ზაზუნას შეძენისთვის საუკეთესო დრო საღამოა. დღისით მღრღნელი აქტიური არაა და უმეტესობა მათგანს ძინავს. ამიტომ, გაგიჭირდებათ გარკვევა, სინამდვილეში ზაზუნას ძინავს თუ ავადაა.

რჩევა მესამე: თუ შეგხვდათ ავადმყოფი ან ფიზიკურად დაზიანებული ზაზუნა და გამყიდველი მას ნახევარ ფასად გთავაზობთ, არასოდეს დათანხმდეთ. უმჯობესია, ჯანმრთელი მღრღნელის სანაცვლოდ სრული თანხა გადაიხადოთ, ვიდრე იგივე თანხა მის მკურნალობაზე დახარჯოთ. მეტიც, ზაზუნა სუსტი არსებაა, ამიტომ  დიდი ალბათობაა, რომ დაავადებული მღრღნელი ვერ გადარჩება.

რჩევა მეოთხე: ზაზუნას ყიდვისას, დარწმუნდით, რომ სუფთა თვალები აქვს, ხოლო ბეწვი არ არის სველი. წინააღმდეგ შემთხვევაში, ის ავადაა.

რჩევა მეხუთე: სპეციალისტები მხოლოდ ერთი ზაზუნის შეძენას გვირჩევენ, რადგან ზრდასთან ერთად ორი ან მეტი ცხოველი ერთმანეთში ჩხუბობს.  თუ სურვილი გაქვთ გაამრავლოთ ისინი, მდედრი და მამრი ზაზუნა განცალკევებით მოათავსეთ. გამონაკლისები არიან ჯუჯა ზაზუნები, რომლებიც ერთი ოჯახიდან არიან.  შეგიძლიათ, ისინი  ერთ გალიაში მოათავსოთ.

რჩევა მეექვსე: ზაზუნა თავად შეარჩიეთ, არ ენდოთ გამყიდველს. მან შესაძლოა, დაავადებული ზაზუნა შემოგთავაზოთ ან შეეშალოს მისი სქესი.

რჩევა მეშვიდე: იმისათვის, რომ სქესი სწორად შეარჩიოთ დაიმახსოვრეთ შემდეგი ნიშნები -მდედრ ზაზუნას მუცელზე, ქვემოთ განთავსებული ხვრელები ერთმანეთთან უფრო ახლოს აქვს, ვიდრე მამრს. მუცლის დაბოლოება მამრს უფრო მოგრძო აქვს, ასევე, ის მდედრზე მშვიდია.

Zooclub

რჩევა მერვე: ზაზუნას შეძენამდე დარწმუნდით, რომ მისი ბეწვი ბზინავს და ის ბუნებრივად არ აქვს გაცვენილი. ბეწვის გაცვენა შესაძლოა, გამოწვეული იყოს ტილების, ტკიპების ან სოკოვანი დაავადებებისგან.  თუ შეამჩნევთ, რომ ზაზუნას სხეულზე აქვს ნაიარევი, ეს ნიშნავს, რომ მღრღნელი ბევრს ჩხუბობს სხვა ზაზუნებთან. დაფიქრდით, გინდათ ასეთი "მოჩხუბარი" ცხოველი?

რჩევა მეცხრე: ზაზუნას შეძენამდე დარწმუნდით, რომ მისი უკანა ტანი და მის გარშემო არსებული ბეწვი იყოს სუფთა. ხშირ შემთხვევაში, დიარეა გამოწვეულია ინფექციებისა და ჭიებისგან, რომლებმაც შესაძლოა, ცხოველი ფატალურ შედეგამდე მიიყვანოს.

რჩევა მეათე: ზაზუნას ცხვირი უნდა იყოს სუფთა, ყოველგვარი ლორწოვანი გამონადენის გარეშე.

რჩევა მეთერთმეტე: სანამ ზაზუნას შეიძენთ, გააღვიძეთ და დააკვირდით მის ქცევებს. თუ ის აპათიურად წევს გალიაში ან პირიქით - ნერვიულად დარბის, შესაძლოა, გალიის სივიწროვის ბრალი იყოს, მაგრამ გამორიცხული არ არის, რაიმე დაავადებაზე მიუთითებდეს. ნუ იყიდით ასეთ ზაზუნას. ავადმყოფი მღრღნელი, რომელიც სტრესულ მდგომარეობაში იმყოფება, სხვებზე მეტად არის მიდრეკილი სხვადასხვა დაავადებისკენ.

რჩევა მეთორმეტე: ბუნებრივი შეფერილობის მღრღნელის იმუნიტეტი უფრო ძლიერია და ის ნაკლებად ავადდება, ხოლო ფერადი ზაზუნა ხშირად ღიზიანდება და ნერვიულია, მაგრამ სწორად მოვლის შემთხვევაში, ნებისმიერი შეფერილობისა და ხასიათის ბინადარი კომფორტულად და ჯანმრთელად იცხოვრებს მოსიყვარულე პატრონების გარემოცვაში.

ზაზუნა ბუნებით ველური და არასოციალური არსებაა. ისინი მინდვრებსა და მდელოებზე ერთმანეთისგან განცალკევებით ცხოვრობენ. საცხოვრებელს იცავენ მტაცებლებისა და თავისი მოძმეებისგანაც კი. ამიტომ, თუ თქვენი ახალი ბინადარი ცდილობს დაიმალოს ან აგრესიას გამოხატავს, არ ინერვიულოთ, ეს ნორმალურია, რადგან ის ფიქრობს, რომ თქვენ მტაცებელი ხართ, რომელიც თავდასხმისთვის ემზადება. უბრალოდ ფრთხილად მიუახლოვეთ მას გაშლილი ხელი ზევიდან. თუ მღრღნელმა ხელზე გიკბინათ (მსგავსი რამ იშვიათად ხდება), ნუ გაბრაზდებით, შესაძლოა, თქვენც ასე მოქცეულიყავით, საშიში "მონსტრის" დანახვისას, რომელიც თქვენკენ მოდის.

Zooclub

იმისათვის, რომ ზაზუნას დაუმეგობრდეთ, აუცილებელია მოთმინება, მოფერება და მზრუნველობა. ადრე თუ გვიან, მას ცნობისმოყვარეობა სძლევს და თქვენი ხელის ყნოსვას დაიწყებს. მისი მოთვინიერება უფრო გაგიმარტივდებათ, თუ ხელზე სასუსნავსაც დაიდებთ.  მაგალითად, კაკალს ან გარგარის ჩირს. საბოლოოდ, ზაზუნას აღარ შეეშინდება თქვენი ხელის და მარტივად შეძლებთ, ამოიყვანოთ ის გალიიდან.

სასუსნავი, ასევე, დაგეხმარებათ შეაჩვიოთ მღრღნელი თავის სახელს. დიახ, ზაზუნა რეაგირებს სახელზე, მთავარია, ავარჯიშოთ, ხოლო ვარჯიში შემდეგნაირად ხდება: აწვდით მღრღნელს საკვებს და 8-10-ჯერ  წარმოთქვამთ მის სახელს. რამდენიმე ხნის შემდეგ, როდესაც სახელით მიმართავთ, იგი გამოძვრება თავისი ბუნაგიდან.

უნდა ითქვას, რომ მღრღნელები ისევე, როგორც ადამიანები, განსხვავებულნი არიან. ერთი კი ნამდვილად უნდა აღინიშნოს: მდედრი ზაზუნას მოთვინიერება უფრო რთულია, ვიდრე მამრის. ამასთანავე, მამრები უფრო მშვიდი მღრღნელები არიან, ხოლო დანარჩენი თქვენზეა დამოკიდებული. გაუნაწილეთ მას სითბო და ის აუცილებლად გადაგიხდით სამაგიეროს.

ასევე იხილეთ:

ზაზუნა სახლში – როგორ მოვუაროთ მღრღნელს

როგორ მივიჩვიოთ მღრღნელი?

თუ თქვენი მღრღნელი იკბინება
კომენტარი ჯერ არ გაკეთებულა
დახმარება
  • რა ვაჭამოთ?
  • ჯიშები
  • სად ვიყიდოთ?
ბოლო სიახლეები
გარეულ ცხოველთა სამყარო სასტიკია. მტაცებელი თუ მსხვერპლი, აირჩიე რომელი გინდა იყო. გადარჩენის პირობები
19.01.2018
ნორვეგიის ცხოველთა დაცვის ორგანიზაციამ (Norwegian Animal Rights Organization)  განაცხადა, რომ ხელისუფლება ამზადებს კანონს, რომელიც მთელი ქვეყნის ტერიტორიაზე
19.01.2018
"ტაილანდის პროვინცია ანტჰონგში ძაღლმა უზარმაზარი პითონი, რომელიც კატებს თავს უნდა დასხმოდა,  სახლის ეზოდან
19.01.2018
ჯანდაცვის მინისტრ დავით სერგეენკოს ინფორმაციით, სახელმწიფო აუდიტის სამსახური ვაქცინაციის სახელმწიფო პროგრამის
18.01.2018
სახელმწიფო აუდიტის სამსახური ადასტურებს, რომ ცოფის საწინააღმდეგო ვაქცინა ჯანმრთელობისთვის უსაფრთხოა,
18.01.2018
ამერიკელ რომი მაკლოსკის, რომელიც მოდელიერად მუშაობს, სახლში პეპლები ჰყავს. ცოტა ხნის წინ, მან უნიკალური ოპერაცია, ფრთის ტრანსპლანტაცია გააკეთა.
18.01.2018
ძაღლისა და კატის მეპატრონეებს გიწვევთ ფოტოკონკურსში „ჩემი ოთხფეხა მეგობარი“ მონაწილეობის მისაღებად.
კონკურსის წესები და პირობები:
  • კონკურსში მონაწილეობის მისაღებად, მსურველებმა თქვენი შინაური ცხოველის ფოტო უნდა გამოაგზავნოთ ზოოკლუბის ელ-ფოსტის მისამართზე info@zooclub.ge ან Facebook გვერდზე პირადი შეტყობინების სახით
  • შეტყობინებაში აღნიშნული უნდა იყოს თქვენი ცხოველის სახელი
  • აუცილებელი პირობაა, რომ ფოტო იყოს თქვენ მიერ გადაღებული
  • ფოტოს მინიმალური ზომა 306x333 პიქსელი
  • ერთ მონაწილეს შეუძლია მხოლოდ ერთი ფოტოს გამოგზავნა
  • კონკურსში არ დაიშვება ფოტოები, რომლებიც შეცვლილია გრაფიკული პროგრამების მეშვეობით
  • თქვენ მიერ გადმოგზავნილი ფოტო აიტვირთება ჩვენი გვერდის საკონკურსო ალბომში
  • ფოტო მასალის მიღება გაგრძელდება 2018 წლის 14 თებერვლამდე
  • დაგროვებული ხმების საფუძველზე გამოვლინდება ერთი გამარჯვებული
  • მეორე გამარჯვებულს გამოავლენს ზოოკლუბის გუნდი
პრიზები:
  • 1-ელი ადგილი - ზოომარტის სასაჩუქრე კალათა საკუთარი შერჩევით
  • მე-2 ადგილი - საქართველოში დამზადებული უმაღლესი ხარისხის საწოლი თქვენი ოთხფეხასთვის..
17.01.2018
ძაღლის მეპატრონეთაგან ბევრს ჰგონია, რომ ვინაიდან მათ მეგობარ ოთხფეხას ბეწვიანი ტყავი აქვს, ადამიანებთან შედარებით, ისინი სივიცის უფრო ამტანები არიან.
17.01.2018
ახლადაყვანილ შინაურ ცხოველს ბევრად მეტი დრო სჭირდება, რათა საცხოვრებელ ადგილს და პატრონს შეეგუოს. მას შემდეგ, რაც პატარა არსება დედას შორდება
17.01.2018
თუ ჩვენს ოთხფეხა მეგობრებს ნაცნობი ადამიანების ხილვა უხარიათ და ამას კუდის ქიცინით, ხტუნაობით
17.01.2018
როგორ აღმოჩნდა დათვი მდინარეზე აგებული ხიდის ქვეშ, არავის დაუნახავს, თუმცა, მან იქ
17.01.2018
ჭიათურის მუნიციპალიტეტის სოფელ გეზრულში მგელმა პირუტყვი დაგლიჯა.

16.01.2018
ძაღლის უცნაურ საქციელს ყოველთვის აქვს მიზეზი და ახსნა. ბევრი მტკიცებულება არსებობს იმისა, რომ ისინი გრძნობენ, როდესაც რაღაც ცუდი ხდება.
16.01.2018
გამოკითხვა
რომელი ბრენდის საკვებს აჭმევთ თქვენს ძაღლს?