ამ მხრივ არც სელკირკ რექსია გამონაკლისი, რომელიც ზომაშიც გაიზარდა და გრძელი ბეწვიც განუვითარდა.
მოკლე დახასიათება
უაღრესად თავისებური ჯიშია
შედარებით დიდი ზომის კატაა
ბეწვის ყოველდღიური მოვლა სჭირდება
სტანდარტით დაშვებულია ნებისმიერი ფორმა
ისტორია
სელკირკ რექსის გრძელბეწვიანი ფორმა სპარსულ კატებთან მისი შეჯვარებით შეიქმნა, რისი უპირველესი მიზანიც სელკირკის ბალნის სიგრძის გაზრდა და ამით ბეწვის დახვევის ხარისხის გაძლიერება იყო. თანაც ამგვარი სელექციის შედეგად შეფერილობათა სპექტრიც
განმასხვავებელი ნიშნები
ამ ჯიშს დასაბამი მისცა გრძელბეწვიანობის გენის მქონე კატამ, რომელიც მონტანაში გაჩნდა. მის დაყრილ კნუტებს, როგორც ნამდვილი რექსებისთვის არის მიღებული, იმ გეოგრაფიული ადგილის (ამ შემთხვევაში სელკირკის მთების) სახელი დაარქვეს, სადაც გაჩნდნენ. ამ ჯიშს დანარჩენი რექსებისგან გრძელი ბალანი განასხვავებს, რომელიც არც დაპატარვებულა, არც გამქრალა _ უბრალოდ დაეხვია. კიდევ ერთი ძირითადი განსხვავება – სელკირკ რექსებს ბალანი გამუდმებით სცვივათ და ამიტომ ჰიპოალერგენულ კატებად ვერ გამოდგებიან. თამაშის მოყვარული და მიმზიდველი სელკირკ რექსები, გრძელბეწვიანებიც და მოკლებეწვიანებიც, შესანიშნავი კომპანიონები არიან და ბევრ ქვეყანაში დიდი პოპულარობით სარგებლობენ.