ამ ჯიშის კატები კოლორპოინტები არიან, რაც სიამურთან მათ ნათესაობას ადასტურებს. ისინი ერთმანეთს ჰგვანან ტემპერამენტითაც. ბუნებით ექსტრავერტი ტონკინური კატა ხალისიანი, ხმაურიანი ჯიშია, ითხოვს ადამიანის ყურადღებას და ძალიან ეჩვევა ოჯახის წევრებს.
მოკლე დახასიათება
ხალისიანი, თამაშის მოყვარული კატაა
მოსწონს ადამიანის საზოგადოება
აქტიური ცხოველია
ადვილად მოსავლელი ბეწვი აქვს
ისტორია
ჯიშთან მიმართებაში ტერმინი `სუფთა ხაზი" ნიშნავს, რომ კნუტები მშობლებს უნდა ჰგავდნენ. მაგრამ ტონკინური კატის შემთხვევაში საქმე პირიქით არის. მის ნაყარში ტონკინურთან ერთად დიდი ალბათობით სიამური და ბურმანული ტიპის კნუტებიც გვხვდებიან. ამ საკითხზე მას მერე დავობენ,
სელექცია
მოგვიანებით კანადაში ტონკინური კატები ხელახლა მოაშენეს ბურმანულისა და სიამურის შეჯვარებით, მაგრამ ტონკინური ჯერაც სადავო ჯიშად რჩება. მის თავისებურ შეფერილობას მინკი (წაულა) ეწოდება. ტონკინურის ტანის ბეწვის ფერი სიამურთან შედარებით უფრო მუქია და რბილად გადადის პოინტების ფერში. ტონკინური კატების შეფერილობა ასაკთან ერთად თანდათან მუქდება. ტემპერამენტის თვალსაზრისით, ტონკინური კატები სიამურებთან შედარებით ნაკლებად ჭირვეულები, მაგრამ საკმაოდ ხმაურიანები არიან.
