მზრუნველმა პატრონებმა შეამჩნიეს, რომ ფუმფულა ბინადარს ბალანსირებული დიეტა სჭირდებოდა და მისთვის ახალი კვების რაციონი შეადგინეს - დღეში მხოლოდ 375 კალორია. ჯერჯერობით ბრონსონის წარმატება არ არის თვალსაჩინო, თუმცა, მან ერთი კილოგრამი დაიკლო.
გაიცანით, ეს ბრონსონია. პოლიდაქტილიას გამო (ზედმეტი თითის ანომალია), მისი თათები უჩვეულოდ გამოიყურება.
პატრონის სიკვდილის შემდეგ, ის თავშესაფარში მოხვდა.
სამი წლის ასაკში ბრონსონი 15 კგ-ს იწონიდა.
ფუმფულა ბინადარმა იმდენად შეაყვარა თავი მაიკლ უილსონს და მეგან ჰანემანს, რომ მათი მესამე შინაური ცხოველი გახდა.
პატრონები კატას ყველანაირად უწყობენ ხელს, რათა ის ზედმეტი წონისგან გათავისუფლდეს.
ბრონსონის ყოველდღიური რაციონი სულ რაღაც 375 კალორიას შეადგენს.
მის ჯანმრთელობას ვეტერინარი აკონტროლებს.
უდავოა, ფიზიკური დატვირთვის გარეშე კატა ფორმაში ვერ ჩადგება.
პატრონები ბრონსონთან 20 წუთი თამაშობენ და ვეტერინარის რჩევით, ის დღეში ერთხელ კიბეზე უნდა ასულიყო.
როდესაც წყვილმა შეატყო, რომ კატას კიბეზე ასვლა ძალიან უჭირდა, ისინი შეშინდნენ.
ასეთი დატვირთვა შესაძლოა ცხოველის სახსრებისთვის საშიში ყოფილიყო.
ვარჯიშის ფარგლებში, მხოლოდ 20-წუთიანი თამაში დარჩა, თუმცა, პატრონები გამიზნულად ადგილს უცვლიან მის საკვებ ჯამს, რათა ცხოველმა ოთახებში მეტი იაროს.
ბრონსონის საყვარელი სათამაშო ფუმფულა პომიდორია, რომელიც სავსეა კატის საყვარელი სასუსნავით.
შინაური ბინადრის ჩვეულებრივი გადამზიდი მას დისკომფორტს უქმნის.
ამიტომ, ცხოველი ბალიშით დაჰყავთ, რათა არ დაშავდეს.
ასევე, მას ბალიშზე სძინავს.
და კიდევ, ძალიან მოსწონს პატრონის საწოლში ძილი, რის გამოც, საწოლის ერთი მესამედი მისთვის არის განკუთვნილი.
ბრონსონი ჯერჯერობით იატაკიდან უყურებს, თუ როგორ ძვრებიან კატები სიმაღლეზე, თუმცა, პატრონი დარწმუნებულია, რომ მალე მასაც შეეძლება თავისუფლად ხტომა.
წყარო: boredpanda
ასევე იხილეთ:
ჭარბწონიანი კატა სასტუმროს მოსიარულე რეკლამა გახდა
ჭარბწონიან მაიმუნს ვეტერინარებმა მკაცრი დიეტა დაუნიშნეს
ვეტერინარულ კლინიკაში გადაყვანილი "მაკე" ძაღლი, აღმოჩნდა, რომ ლეკვებს არ ელოდებოდა