5 წლის ბავშვის მოულოდნელი შეხვედრა დაკარგულ კატასთან 18 თვის შემდეგ
5 წლის ბავშვის მოულოდნელი შეხვედრა დაკარგულ კატასთან 18 თვის შემდეგ
5 წლის ბიჭის რონის საუკეთესო მეგობარი 10 წლის ჟღალი კატა ფენიქსია. შინაური ბინადარი ოჯახის სრულუფლებიანი წევრია. ის პატრონების მიმართ საოცარი სითბოთი გამოირჩეოდა, თუმცა, ერთ დღეს ფენიქსი დაიკარგა. რონიმ ძალიან განიცადა მეგობრის დაკარგვა და დედას მიშელ ჰამბერს ქალაქში კატის სურათით განცხადებების განეთავსება სთხოვა, რათა მპოვნელს კატა დაებრუნებინა.

ოჯახი ყველას სთხოვდა ფენიქსის ნახვის შემთხვევაში მათ დაკავშირებოდნენ, რადგან რონი მის დაკარგვას ძალიან განიცდიდა.

18-თვიანი უშედეგო ძებნის შემდეგ, მშობლებმა რონის თავშესაფრიდან კატის აყვანა შესთავაზეს.  პირველ დღეს ოჯახმა ადგილობრივ თავშესაფარში შეარჩია კატა, გააფორმა საბუთები და მეორე დღეს
მის წასაყვანად დაბრუნდნენ.

როდესაც ბავშვი ცხოველის ასაყვანად გალიას მიუახლოვდა, მან გვერდზე გალიაში შეამჩნია კატა, რომელიც თვალს
არ აშორებდა. გალიასთან მიახლოებისას ბავშვმა ფენიქსი იცნო. იგი ვერ იჯერებდა, რომ საუკეთესო მეგობარი იპოვა და სიხარულისგან ტიროდა.

Zooclub

როგორც აღმოჩნდა, ფენიქსი თავშესაფარში ერთი თვით ადრე ვიღაცამ ჩააბარა და რადგან მას საიდენტიფიკაციო კოდი ან ყელსაბამზე თაგი  არ აღმოაჩნდა, ხნიერი კატა უპატრონო ცხოველად ჩათვალეს, ამიტომ რამდენიმე დღეში მისთვის ევთანაზია უნდა გაეკეთებინათ.

Zooclub

საბედნიეროდ ფენიქსი დაძინებას გადაურჩა და ოჯახმა ის სახლში წაიყვანა, თუმცა, არაერთი დაკარგული შინაური  ცხოველია, რომელიც ქუჩაში კვდება ან თავშესაფარში ასრულებს სიცოცხლეს, რადგან არანაირი ამოსაცნობი ნიშანი არ გააჩნია.

ასევე იხილეთ:

პატრონმა 10 წლის წინ დაკარგული ძაღლი იპოვა

ბრიტანელ ქალბატონს 14 წლის წინ დაკარგული კატა დაუბრუნეს

სამხედროსა და მისი დაკარგული ძაღლის ემოციური შეხვედრა
კომენტარი ჯერ არ გაკეთებულა
დახმარება
  • რა ვაჭამოთ?
  • ჯიშები
  • სად ვიყიდოთ?
გამოკითხვა
რომელი ბრენდის საკვებს აჭმევთ თქვენს ძაღლს?