"Daily Mail"-ის ცნობით, დაიან გრიგს ჯერ კიდევ იმედი ჰქონდა, რომ 2002 წელს დაკარგულ კატა მისტის იპოვიდა. მოულოდნელად ქალბატონს ქალაქ კიტლში მდებარე (ქალბატონის სახლიდან 40 კილომეტრში) ვეტერინარული კლინიკიდან დაურეკეს.
დაწესებულების თანამშრომლის ცნობით, კატა ქალაქის ერთ-ერთ კაფეში იპოვეს. შინაური ბინადრის მიკროჩიპის სკანირებით, პატრონის ვინაობა და მისამართი გაირკვა.
”როდესაც პირველად დავინახე, ბევრი ვიტირე. ჩვენ ჯერ კიდევ ვერ გავარკვიეთ, სად იყო ის მთელი ამ დროის მანძილზე”, - ამბობს გრიგი.
