მისმა პატრონმა, ხანში შესულმა ქალბატონმა სიუ მაკკენზიმ ქუჩიდან შავ-თეთრი კნუტი აიყვანა. თავიდან ის კნუტს სახლთან ახლოს აჭმევდა, შემდეგ კი სახლშიც შეუშვა. მისი მეუღლე თავიდან შინაური ცხოველის მოყვანის წინააღმდეგი იყო, მაგრამ ცოლს ხათრი ვერ გაუტეხა.
ტომი გაშინაურდა, თუმცა, მაინც ინარჩუნებდა თავის დამოუკიდებლობას. მას არ უყვარდა ზედმეტი სინაზე და პატრონს ხშირად არ აძლევდა ხელში აყვანის უფლებას. მაგრამ ერთხელ მისი ქცევა სრულიად
კატა პატრონს აღარ შორდებოდა და სულ ხელში აყვანას სთხოვდა. მერე კი ტომი ცდილობდა თათები სიუს მარჯვენა მხარზე დაედო, ან იქ მთელი სხეულით ჩახუტებოდა.
პატრონებს ეგონათ, რომ მათი ფუმფულა კატა ავად გახდა და ვეტერინართან წაიყვანეს, თუმცა, სამედიცინო გამოკვლევებმა ტომის ჯანმრთელობაში არანაირი ცვლილება არ გამოავლინა. ამ პერიოდში კატა ისევ ცდილობდა სიუს მარჯვენა მხართან ახლოს ყოფილიყო, თითქოს რაღაცის თქმა სურდა.
ამ ყველაფერმა ქალი დააეჭვა და გადაწყვიტა თავისი ჯანმრთელობა შეემოწმებინა.
"როდესაც ტომის ყურადღების ცენტრში ჩემი მხარი აღმოჩნდა, მომეჩვენა, რომ იქ რაღაც პრობლემა მქონდა. ეს ყველაფერი უფრო ქვეცნობიერ დონეზე იყო. რომ არა ჩემი კატა, ალბათ ამას არასოდეს მივაქცევდი ყურადღებას, მაგრამ ყოველი შემთხვევისთვის, მაინც მივმართე კლინიკას", - ამბობს სიუ მაკკენზი.
გამოკვლევის შედეგი შოკისმომგვრელი იყო! მას მხარში ავთვისებიანი სიმსივნე აღმოაჩნდა. საბედნიეროდ, დაავადება არ იყო საკმაოდ განვითარებული. ექიმების თქმით, ოპერაციისა და ქიმიოთერაპიის კურსის შემდეგ სიუ მაკკენზი სრულიად განიკურნა.
"არც კი ვიცი, როგორ გამოვხატო ჩემი მადლიერება ტომისადმი. მან მე გადამარჩინა!", - გვიზიარებს თავის განცდებს ბედნიერი ქალბატონი.
თავად კატა კი ისე იქცევა, თითქოს განსაკუთრებული არაფერი მომხდარიყოს. ის ისევე მარტო დადის და უხალისოდ თანხმდება პატრონს ხელში აყვანაზე.
