ზამთარი მოდის, ეს ნიშნავს, რომ შინაურ ცხოველებს სიცოცხლის გადასარჩენად კვლავ თბილი ადგილის ძებნა მოუწევთ.

იმისთვის, რომ ქუჩაში მცხოვრები ფუმფულა მეგობრებისთვის მდგომარეობა შეემსუბუქებინა, ბაქოს ერთ-ერთმა გულისხმიერმა მცხოვრებმა, ჯამილ ჰუსეინოვმა თავის ეზოში კატებისთვის უცნაური სახლები მოაწყო.

“ერთმანეთს მიმაგრებული ორი საბურავი, ყველა მხრიდან დიქტი. დიქტზე უსვამთ ლაკს, რომ წვიმისგან არ გაფუჭდეს. ყველა ხრახნი მოჭრილი და თავი მოხეხილი აქვთ, რომ კატები არ დაზიანდნენ. საბურავებზე პატარა ხის გადახურვაა, რომ შიგნით წვიმა და თოვლი არ ჩავიდეს”, - აუხსნა ჯამილმა თავისი ფეისბუქის გვერდზე იმ ადამიანებს, რომლებიც სავარაუდოდ ასევე მოისურვებენ მსგავსი სახლების გაკეთებას ქუჩის კატებისთვის.







მისი თქმით, კატებს მოეწონათ ასეთი სახლი და ისინი იქ უკვე მეორე დღე თბილად სხედან.

ჩვენ შეიძლება ყველა კატას ვერ დავეხმაროთ, მაგრამ ჩვენს სახლებთან ახლოს მცხოვრებ ცხოველებს თუ ასეთ სახლებს გავუკეთებთ, ეს უკვე დიდი სიკეთე და სიცოცხლის გადარჩენაა. ეს ფაქტი ნელ-ნელა ბევრ რამეს შეცვლის, მათ შორის - მთელ ცხოვრებას ამ კატებისთვის, რომელთაც ეს სახლები ზამთრის გადასატანად აუცილებლად სჭირდებათ და იმ საზოგადოების ხედვას, რომელიც მეტ სიკეთეს ითხოვს, იღებს, გასცემს!


ასევე ნახეთ: "ავტოსადგურის თანამშრომლებმა უსახლკარო ძაღლებისთვის ყინვის დროს ღამის გასათევი მოაწყვეს - ამის გაკეთება ყველა ჩვენგანს შეუძლია საკუთარ უბანში!"