ოფიცერი ჯეიმს გივენსი ოჰაიოდან, როგორც ყოველთვის, პარკის ზონაში პატრულირებდა, როდესაც ბატი მიუახლოვდა. ეს არ იყო მხოლოდ ცნობისმოყვარეობა: ფრინველს ეტყობოდა, რომ მისგან რაღაც უნდოდა.

გივენსის თქმით, ბატი მიუახლოვდა და ნისკარტით საპატრულო მანქანის კარზე კაკუნი დაიწყო. პოლიციელმა მას ცოტა საჭმელი დაუყარა, მაგრამ ფრინველი არც კი მიეკარა. ის უყურებდა ოფიცერს, ნისკარტით კარზე აკაკუნებდა და ადგილიდან ფეხს არ იცვლიდა. მაშინ ოფიცერმა გადაწყვიტა მანქანიდან გადმოსულიყო.



ბატი მაშინვე წინ გაემართა და გაოცებულ პოლიციელს სხვა გზა არ ქონდა, ის ფრინველს უკან გაყვა. მან წყალსაცავთან დაინახა ის, რის გამოც ფრინველი ასე თავგანწირვით ცდილობდა მისი ყურადღების მიპყრობას - ბატის ერთ-ერთი ჭუკი საჰაერო ბუშტის თოკში გაბმულიყო და თავს ვერ აღწევდა.



პოლიციელმა პატარა ჭუკის გაჭედილი თათი გაათავისუფლა. ბატი ამ დროს მშვიდად იდგა მათ გვერდით და აკვირდებოდა. როგორც კი პატარა გაათავისუფლეს, მან მაშინვე დედასთან მიირბინა.

იხილეთ ვიდეო