ადვილი ასახსნელია, ეს მბზინავბეწვიანი, დიდთვალება და ყურპარტყუნა კოკერ სპანიელი რატომ ინარჩუნებს მსოფლიოში ერთ-ერთი ყველაზე პოპულარული ჯიშის სახელს.
ისტორია
კოკერ-სპანიელი, როგორც ჯიში, აღიარებული იქნა XIX საუკუნეში. იგი გამოიყვანეს უფრო დიდი ლენდ-სპანიელისგან, რომელიც ბოლოს სპრინგერ-სპანიელი გახდა. ინგლისურ თოი-სპანიელთან (იხ. გვ. 19) შეჯვარებებმა ასევე გავლენა იქონია მის გენეალოგიაზე. სახელი ეწოდა ნადირობის ობიექტების მიხედვით, რომლებიც ტრადიციულად არიან ვალდშნეპი, შოტლანდიური გნოლი და ციცარი. კოკერ-სპანიელის დანიშნულება იყო მათი გამოდევნა ქვე-ტყიდან, როგორც იქცევა რეტრივერი. ინგლისური და ამერიკული კოკერ-სპანიელების, როგორც ჯიშების, გაყოფა დაიწყო 1930-იან წლებში. აშშ-ში საგამოფენო კოკერ-სპანიელის ტიპი უფრო პატარა ზომის და ხშირბეწვიანია; მისი დრუნჩი შედარებით მოკლეა და თხემიც უფრო მომრგვალო აქვს. ამერიკული და ინგლისური კოკერ-სპანიელების განსხვავებულ ჯიშებად გაყოფა 1946 წელს ფორმალურად დაადასტურა AKC-მ.
დღეს არსებობს კოკერ-სპანიელის ორი ოდნავ განსხვავებული ჯიში, რომლებზე დაკვირვებითაც ცხადად ჩანს, რომ მათი წინაპრები მონადირე ძაღლები იყვნენ. ინგლისური კოკერ-სპანიელი ტრადიციული ფორმაა, ამერიკული კოკერ-სპანიელი კი ახალი ჯიშია, რომელიც ახლა ხშირად გვხვდება აშშ-ის საზღვრებს გარეთ.
არჩევანი
ორი ჯიში, რომელთაგან თითოეულს მათ სამშობლოში უბრალოდ კოკერ-სპანიელს უწოდებენ, ტემპერამენტით თითქმის არ განსხვავდებიან. თუმცა პატარა ამერიკული კოკერ-სპანიელის მოვლა უფრო რთულია გრძელი ბეწვის გამო. კოკერ-სპანიელებს ნიჭიერებასა და სიმკვირცხლეში სხვა ჯიშთაგან ცოტა თუ შეედრება. მათ სჭირდებათ ბევრი ვარჯიში, რომ სახლში ყოფნა არ მოჰბეზრდეთ. მნიშვნელოვანია მათი ბეწვის სათანადო მოვლაც.
ტანი
კომპაქტური და დახვეწილი, განიერი გულმკერდით, დაკუნთული კისრითა და ძლიერი ზურგით.
კუდი
წაჭრილი. მოძრაობისას მხიარულად აქიცინებს.
ცხვირი
ყავისფერი, მუქი ყავისფერი ან შავი, კარგად განვითარებული ნესტოებით.
თვალები
ნუშისებური მოყვანილობის და მუქი ყავისფერი.
ყურები
გრძელი, კაზმული ბეწვით დაფარული ყურები დასმულია თვალების ქვედა ქუთუთოების
პარალელურად.
სახე
ფართო და დიდი, კუთხოვანი ყბებით, ჭკვიანი, ფხიზელი და მშვიდი გამომეტყველებით.
ბეწვი
წმინდა, აბრეშუმისებრი, შავი, ღია ყავისფერი შავში შერეული, სოლიდი (ერთფერი), ჭრელი, ტრიკოლორი (სამფერი) და ჩალისფერი.
შეფერილობა იცვლება მკრთალი ღია კრემისფრიდან შავამდე, ხშირია თეთრი უბნები ან მოყვითალო-ყავისფერი წინწკლები.
ფეხები
სწორი, ძვალმსხვილი, დაკუნ-თული წინა და უკანა ფეხები ერთმანეთის პარალელურია.
ძლიერი უკანა კიდურების წყალობით სპანიელი კარგად დარბის.
მონაცემები:
წარმოშობა _ ინგლისი
მთ. დანიშნულება _ ტყის ქათამზე ნადირობა
ტემპერამენტი _ ხალისიანი, მეგობრული
12-15 წელი
მოვლა _ ყოველდღიური ვარცხნა
ვარჯიში _ რეგულარული, ზომიერი
ხვადი
33-41 სმ
11-16 კგ
ძუ
30-38 სმ
9-14 კგ
კოკერ სპანიელი მოითხოვს ყურად-ღებას და იმაზე მეტად არაფერი მოსწონს, ვიდრე პატრონის ოჯახთან, თავის ლეკვებთან და, საერთოდ, ადამიანებთან ერთად ყოფნა. ცოტათი "დაბნეული" რეპუტაციის ამ ძაღლებს ესაჭიროებათ მუდმივი ვარჯიში.
რჩევა:
კარგად ეგუება ქალაქის პირობებს, მაგრამ სჭირდება სივრცე, სადაც ირბენს ან იხეტიალებს.
ზოგიერთმა შეიძლება უმიზე-ზოდ გამოხატოს აგრესია.
კარგად ეგუება ოჯახში ცხოვრებას
ძალზე მეგობრულია
ბრძანებებს ხალისით სწავლობს
მოსიყვარულეა
სჭირდება კარგი მოვლა
აქტიურია
ხალისიანი, მკვირცხლი და ენერგიულია;
უყვარს გარემოს შესწავლა და თამაში .
პატარა ზომის წყალობით კარგად ეგუება სახლს;
მოსწონს გარეთ სირბილი და იქაურობის შესწავლა.
გონიერი ჯიშია, რაც მის გაწვრთნას აადვილებს – ცდილობს, რომ გასიამოვნოთ!
ამერიკული კოკერ-სპანიელის ბეწვს მეტი მოვლა სჭირდება, ვიდრე ინგლისურისას.
ბეწვს მოუარეთ ყოველ დღე და მოაშორეთ სეირნობის დროს მიკრული ბალახი, გამხმარი ფოთლები და სხვა.
თვალისა და ყურის დაავადებები. განსაკუთრებით ემართება ამერიკულ ჯიშს;
ერთფეროვანი ინგლისური კოკერების ზოგიერთი ხაზისთვის დამახასიათებელია სიავის სინდრომი, რაც აგრესიის უეცარ აფეთქებაში ვლინდება.
ჯიში შეიძინეთ მხოლოდ სანდო მომშენებლისგან.
ავარჯიშეთ ყოველდღე, მიეცით ეზოში თამაშის საშუალება და ყურადღება მიაქციეთ, რომ ვარჯიშის დროს ძალიან არ აღეგზნოს.