მისი გლუვი, მოკლე ბეწვი ადვილი მოსავლელია. დავარცხნეთ
კეთილი ზნისა და წყნარი ბუნების გამო ბასეტი დიდებული კომპანიონია. პატრონი მომზადებული უნდა შეხვდეს გარემოებას, რომ ეს ძაღლი აქტიურად მიჰყვება აღებულ სუნს გარეთ ყოფნისას და სეირნობის დროსაც.
მონაცემები:
წარმოშობა – დიდი ბრიტანეთი
მთავარი დანიშნულება – ნადირობა
ტემპერამენტი – მშვიდი
სიც. ხანგრძლივობა – 12 წელი
მოვლა – ყოველკვ. ვარცხნა
ვარჯიში – რეგულარ., ზომიერი
მოდარაჯე – შეუსაბამო
ხვადი
30-38 სმ; 23-29 კგ.
ძუ
28-36 სმ; 20-27 კგ
კუდი
ოდნავ მოხრილი, ქვედა მხარეს უხეში ბეწვით.
თვალები
დიდი და ყავისფერი, ღრმად ჩამჯდარი.
სახე
გრძელი და პროპორციული, მოშვებული კანით, როცა თავს დაბლა ხრის, წარბებთან უჩნდება ნაოჭები.
ცხვირი
მუქი პიგმენტაციითა და ფართო ნესტოებით.
ფეხები
მოკლე, ჩასკვნილი, ძლიერი; წინა ფეხებზე კანი შიშველია და ნაკეცებს ქმნის.
ბეწვი
მოკლე ბეწვი, თეთრი, ხორბლისფერი, შავი და ზოგჯერ ლიმონისფერი ლაქებით.
თათები
მასიური, უხეში, მძიმე ბალიშებით და ფართო თითებით.
ტანი
გრძელი და კასრის ფორმის, ძაღლის მთელი წონა კონცენტრირებულია ტანის წინა ნაწილში.
რეგულარული ვარჯიში დაეხმარება ბასეტ ჰაუნდს, რომ იყოს ჯანმრთელი და ხალისიანი, მაგრამ ეცადეთ, არ იხტუნოს, რადგან დაიზიანებს წინა ფეხებს.
როგორც უნდა გთხოვოთ საჭმელი, ზედმეტი არაფრით მისცეთ, ჭარბი წონა დიდ ტვირთად დააწვება მის ფეხებსა და ხერხემალს, რის შედეგადაც, სიარულსაც ვეღარ შეძლებს.
ბასეტ ჰაუნდის გრძელი, მძიმე ყურები ადვილად ხდება ინფექციის კერა. იმისათვის, რომ აარიდოთ პრობლემებს, ყოველ კვირას გაუწმინდეთ ყურები. მოკლე ბეწვი ძალიან არ სცვივა, ამიტომ დიასახლისებს ხალიჩებისა და ავეჯის ხშირად გაწმენდა არ მოუწევთ.
რჩევა:
მიდრეკილია ავადმყოფური სიმსუქნისკენ, ამიტომ ნუ მისცემთ ზედმეტ საკვებს.
თუ კანის ან ყურის ინფექცია განუვითარდა, შესაძლოა, უსიამოვნო სუნი აუვიდეს.