ბუვიეს სახეს სქელი ულვაში და წვერი ამკობს, რასაც ზოგიერთი პატრონი მოვლის გაიოლების მიზნით კრეჭს. ეს ამტანი ძაღლები თითქმის არასოდეს ხდებიან ავად. ისინი რთულ პირობებშიც კარგად ასრულებენ სამუშაოს.
მონაცემები:
წარმოშობა - საფრანგეთი, ბელგია
მთავ. დანიშნულება - მწყემსვა და დაცვა
ტემპერამენტი - მშვიდი, მორჩილი
სიც. ხანგრძლ. 10-12 წელი
მოვლა - რეგულარული ვარცხნა
ვარჯიში - რეგულარული, ზომიერი
მოდარაჯე - ბრწყინვალე
58-71 სმ
34-41 კგ
ძუ
56-69 სმ.
27-36 კგ.
კუდი
ჩვეულებრივ, წაჭრილი.
თათები
მრგვალი და კომპაქტური. ამოზნექილი თითებით, ძლიერი, შავი ფრჩხილებითა და სქელი, უხეში ბალიშებით.
ფეხები
წინაც და უკანა ფეხებიც აქვს ძლიერ დაკუნთული და სწორი.
ბეწვი
უხეში, გრძელი და აბურძგნილი, ორმაგი ბეწვი. დამახასიათებელი შეფერილობებია: შავი, ნაცრისფერი, ჭრელი, დათრთვილული, ზოგჯერ თეთრი გულმკერდით.
სახე
დამახასიათებელი ულვაში და წვერი; მამაცი, ფხიზელი გამომეტყველებით.
თვალები
ოვალური ფორმის და მუქი ყავისფერი.
ცხვირი
დიდი, შავი, ფართო ნესტოებით.
ტანი
პროპორციული აღნაგობის; ძლიერი, დაკუნთული კისრითა და ფართო გულმკერდით.
მამაცი და უშიშარი ბუვიე დე ფლანდრები ოჯახის მეგობრები და მცველები არიან. ესაჭიროებათ ბევრი ვარჯიში. საერთოდ, ამ ცხოველებს სოფლად ან ქალაქგარეთ ცხოვრება უფრო შეეფერებათ. რადგანაც ეს ძაღლი ტანად დიდი ჯიშია, ყოველთვის უნდა ადევნოთ თვალყური, რომ უნებლიეთ რამე ზიანი არ მიაყენოს ახლომახლო მყოფ სხვა ცხოველებს ან ბავშვებს.
რჩევა:
შეიძლება გააწვალოს მენჯ-ბარძაყის სახსრის დისპლაზიამ და თვალის ისეთმა პრობლემამ, როგორიცაა კატარაქტა.
ეს ძაღლები არ ენდობიან უცხოებს.