საუკეთესოდ აღზრდილ ძაღლსაც კი რჩება ზოგიერთი ჩვევა, რომლის გამოსწორებაც ძალიან რთულია, მაგრამ უნდა იცოდეთ, რომ დასჯა ცუდ ქცევას ამყარებს.
ძაღლის ქცევის კორექციის სპეციალისტი ცეზარ მილანი შინაური ცხოველის პატრონებს ურჩევს, არასოდეს დასაჯონ საკუთარი ბინადარი. მილანი მსოფლიოში ცნობილია, როგორც "ძაღლების შემლოცველი", ამიტომ მან კარგად იცის, თუ როგორ უნდა მოექცეთ ოთხფეხა მეგობარს.
რატომ არის ძაღლისთვის დასჯა ცუდი? ეს ხომ ძაღლს წესრიგს ასწავლის? ცეზარის აზრით, ეს არასწორი მიდგომაა. ამ
დასჯა ჩაანაცვლეთ ვარჯიშით, თბილი დამოკიდებულებითა და წვრთნით. ძაღლი ყოველთვის უნდა იყოს რაღაცით დაკავებული. ასწავლეთ მას დისციპლინა, ბრძანებების შესრულება და რაც მთვარია, კარგი ქცევისთვის დააჯილდოვეთ.
ცეზარი ძაღლის წვრთნის დროს იყენებს 2 მნიშვნელოვან მეთოდს: პოზიტიურ დისციპლინას, რომელიც შეიცავს ძაღლის სწორ ქცევებს და ნეგატიურ დისციპლინას, რომელიც მიზნად ისახავს უარყოფითი ქცევის ჩანაცვლებას დადებითი ქცევით.
რას ნიშნავს პოზიტიური და ნეგატიური დისციპლინა?
სწორი ქცევების გამყარების მარტივი გზა არსებობს: ის შეიცავს კარგი ქცევისთვის ძაღლის დაჯილდოვებას. ამ დროს აუცილებელია, ცხოველს მისცეთ მისთვის საყვარელი სასუსნავი და შეაქოთ.
პოზიტიური დასჯა შედარებით განსხვავებულია და დამოკიდებულია სიტუაციაზე. მაგალითად, თუ ძაღლი აზიანებს ავეჯს, ძაღლისთვის განკუთვნილი სპეციალური სპრეი, რომელსაც ფეხებზე მიასხამთ, ავტომატურად შეაჩერებს მას.
ნეგატიური დასჯა მიმართულია გარკვეული ჩვევების შესაჩერებლად. თუ თქვენი ძაღლი აგრესიულია იმ დროს, როცა მასსა და საკვებს შორის დგებით, აიღეთ ჯამი იქამდე, სანამ ის ღრენას არ შეწყვეტს.
საბოლოოდ, წვრთნის ძირითადი პრინციპი ნეგატიური ქცევების გადაჩვევაა და ამისთვის ძაღლის დასჯა არ არის აუცილებელი. მთავარია დაეხმაროთ მას ცუდი საქციელი ჩაანაცვლოს კარგით.
მიჰყევით სპეციალისტის რჩევებს და თქვენი ძაღლი იმაზე სწრაფად მიეჩვევა დისციპლინას, ვიდრე ეს თქვენ წარმოგიდგენიათ.
ასევე იხილეთ:
10 მთავარი და ელემენტარული წესი ძაღლის გაზრდისას
