ჯონ ბაილერ დანის საცხოვრებელმა ვაშინგტონში (ილინოისის შტატი) ტორნადო გადაიტანა. იგი თავისი სახლის სარდაფში დაიმალა. ახლოს იყვნენ მეუღლე და მისი 8, 5, 2.5 და 1.5 წლის შვილები. თუმცა, მათ სამალავში ოჯახის ერთ-ერთი მნიშვნელოვანი წევრი აკლდათ. ტორნადოს დასაწყისში, ბაილერი ეცადა, ოჯახის საყვარელი ძაღლი მეგი სარდაფში ჩაეყვანა, მაგრამ შეშინებული ცხოველი თავის პატარა სახლში დაიმალა, და ბაილერს დრო აღარ ეყო, იქიდან მის გამოსაყვანად.
როდესაც ყველაფერი დამთავრდა, ოჯახი სარდაფიდან ამოვიდა და მათ სახლის მაგივრად ნანგრევები დახვდათ. ძაღლი არსად ჩანდა..
ჯონი აღარ ელოდა თავისი საყვარელი ძაღლის
თუმცა, 30 საათის შემდეგ, ოჯახის წევრებისა და მათი მეგობრებს, ტერიტორიის ნანგრევებისგან გასუფთვებისას, უეცრად სუსტი წკმუტუნის ხმა შემოესმათ.
ადამიანებმა მაშინვე დაიწყეს ძებნა და მალე ნანგრევებში, ხალიჩის ნაგლეჯში გახვეული მეგი იპოვეს.
ჯონი ბავშვივით ატირდა. ჭუჭყიანი და სავარაუდოდ, დაშავებული მეგი კანკალებდა, მაგრამ ის ცოცხალი იყო!
ჯონმა ძაღლს წყალი დაალევინა თუ არა, მაშინვე, მეგობრების დახმარებით, უახლოეს ვეტ-კლინიკაში წაიყვანა.
აღმოჩნდა, რომ მას ნეკნი ჰქონდა დაზიანებული. მეგი 11 წლის იყო. ჯონმა ის 4 თვის ასაკიდან გაზარდა.
"მე ღმერთის მადლიერი ვიყავი, რომ ჩემი ცოლ-შვილი ცოცხალი გადამირჩინა, მაგრამ ნანგრევებს ქვემოთ მეგის პოვნა - ნამდვილი სასწაული იყო", - აღიარებს ჯონი, რომელმაც მოგვიანებით, თავისი ფეისბუქის გვერდზე მეგის ფოტო ატვირთა.
ვეტ-კლინიკის ექიმებმა დაადგინეს, რომ მეგის ნეკნი, როგორც ეშინოდათ, არ იყო გატეხილი. ათასობით გულშემატკივარმა გადარიცხა თანხა მეგის მკურნალობისთვის და თუ მეგისთვის მაინც მოუწევთ ოპერაციის გაკეთება, ის 600-დან 1 000 დოლარამდე ეღირება. თუმცა, იმავე დღის ბოლოს, მეგის ანგარიშზე ვეტერინარულ კლინიკაში 3 500 დოლარი შეგროვდა.
"მეგის ამდენი არ სჭირდება", - სცადა აეხსნა კლინიკის ექიმს შემომწირველებისთვის. მიუხედავად ამისა, ხალხი მაინც აგრძელებს თანხის შეწირვას, რასაც მთლიანად კლინიკის სხვა ოთხფეხა პაციენტები მოიხმარენ.