საბედნიეროდ, რამდენიმე წუთის შემდეგ, შუა გზაზე, თავის საწოლში მწოლიარე ძაღლი, შემთხვევითმა გამვლელმა შეამჩნია. მამაკაცმა ცხოველი უახლოეს ვეტერინარულ კლინიკაში წაიყვანა. ვეტექიმი ცხოველთა დაცვის სამეფო საზოგადოებას დაუკავშირდა (RSPCA). მათ ძაღლი თავშესაფარში გადაიყვანეს. ინსპექტორი ნატალია პეჰოვსკაია შინაური ცხოველის პატრონის ძებნას შეუდგა.
"ეს ვიდეო უნდა ნახოთ, რომ დაიჯეროთ, თუ რა საშინელ მდგომარეობაშია ძაღლი. გაუსაძლისია იმის ხილვა, თუ როგორ ცდილობს ცხოველი მოძრავი მანქანის ფანჯარაში ახტომას. ვერ ვიგებ, როგორ შეუძლია ადამიანს მსგავსი ქმედება ჩაიდინოს - თავიდან მოიშორო ძაღლი ასეთი სასტიკი მეთოდით, ამასთანავე, შობის პერიოდში. მადლობელი ვარ იმ ადამიანის, რომელმაც ძაღლი დაინახა და სპეციალისტთან მიიყვანა", - ამბობს RSPCA-ის ინსპექტორი.
ამჟამად, სტაფორდშირული ტერიერი ჯიშის ძაღლი, სახელად სნუპი, თავშესაფარშია.
ვეტერინარების ვარაუდით, სნუპი დაახლოებით 2 წლისაა. ასევე, სკანირება გაუკეთეს მის მიკრო ჩიპს და იპოვეს მისი ორი პატრონი, თუმცა, ორივე მათგანთან ძაღლი წლების წინ ცხოვრობდა, ხოლო ამჟამინდელი პატრონის შესახებ, ცნობილი არაფერია.
"სნუპი ძალიან მეგობრული, საყვარელი ხვადია. დღეს ის კერძო თავშესაფარში ბინადრობს, სადაც ყველა საჭირო დახმარება აქვს. მე ისევ გავაგრძელებ მისი პატრონის ძებნას", - ამბობს ნატალია.
წყარო: dailymail
ასევე იხილეთ:
პატრონმა მაკე ძაღლი ტყეში წაიყვანა, ხესთან მიაბა და მიატოვა
ძაღლი თავდაუზოგავად მისდევს პატრონებს, რომლებმაც შუა გზაზე მიატოვეს
ძაღლი მიხვდა, რომ პატრონმა თავშესაფარში მიატოვა და გულმოკლული ტირის