ძვირი ელიტარული ნივთების ასორტიმენტში, რომელსაც ბრიტანული ფირმა VeryFirstTo აწარმოებს, ახალი და უცნაური აქსესუარი – ძაღლის მოსასხამი გაჩნდა. იგი სვაროვსკის ბრილიანტითაა დამშვენებული.

მოსასხამის ფასი ძაღლის ზომასა და სამკაულზეა დამოკიდებული, რაც 750–დან 1 მილიონ ფუნტამდე მერყეობს.



ეს ძაღლების ყველაზე ძვირფასი ტანსაცმელია მსოფლიოში და გათვლილია სუპერ მდიდარ ადამიანებზე, რომლებიც საყვარელი ძაღლისთვის ფულს არ დაინანებენ.



მოსასხამი სვაროვსკის ბრილიანტებით, 24 კარატიანი ოქროთი, ოქროს ზედაპირითა და მოოქროვილი ბანტითაა მორთული.



ეს ტყვიაგაუმტარი ფუნქციის მოსასხამია, რომელსაც შეუძლია, ძაღლი არა მარტო სხვა ძაღლის ეშვებისგან, არამედ ტყვიისგან ან დანისგან დაიცვას.



თითო გაყიდული მოსასხამიდან 1% აფრიკის ბრაკონიერებთან ბრძოლის ფონდს გადაერიცხება.



“მოსასხამი ძალიან მსუბუქია და ძაღლს მისი ტარებით არანაირი პრობლემა არ ექმნება”, – აცხადებს VeryFirstTo–ის დამაარსებელი მარსელ კნობილი.