იგი იაპონელი ბალახებით მოვაჭრე და შინაურ ცხოველთა დიეტოლოგია. ჩინგი ორგანიზაცია Animal Hope & Wellness Foundation-ის დავალებით ხშირად სტუმრობს ჩინეთსა და სამხრეთ კორეას, სადაც ძაღლებს ხორცისა და ბეწვისთვის ყიდიან.
"ეს ძალიან საშიშია. ჩემი პირველი მისია იყო პეკინში, სადაც ნამდვილ სასაკლაოზე მოვხვდი და პრაქტიკულად მძევლად ამიყვანეს, რადგან ეს საშინელება გავაპროტესტე. შედეგად, ამ მოგზაურობიდან 57 ძაღლი გადავარჩინე", -
ჩინეთში ყოველ წელს 10 მილიონამდე ძაღლს ხორცის გამო კლავენ. Society International (HSI)-ის მონაცემებით, იულინის ფესტივალზე დღეში 10, 000 ძაღლს კლავენ. ბოლო დროს, ცხოველთა დამცველების მხრიდან გახშირებულმა პროტესტმა შედეგი გამოიღო და ფესტივალზე ძაღლის ხორცის გაყიდვა დროებით აიკრძალა.
აზიაში მეორე მოგზაურობისას ჩინგთან ერთად იმყოფებოდა თარჯიმანიც, რომელიც მეზობელი სასაკლაოებისა და ძაღლთსაშენის პოვნაში დაეხმარა. ამ ადგილიდან მამაკაცმა არაერთი ძაღლი ფარულად გამოიყვანა.
"ხშირად მივდივარ ძაღთსაშენებში, სადაც ცხოველებს ხორცისთვის ყიდიან. გამყიდველს ვეცნობი, როგორც რიგითი მყიდველი, რის შემდეგაც შეძენილი ძაღლები ვეტერინართან მიმყავს", - ამბობს ჩინგი.
ამ ხნის განმავლობაში მამაკაცმა ბევრი რამ ისწავლა: მას კავშირი აქვს რამდენიმე ვეტერინართან პეკინში, სადაც სასაკლაოდან ძაღლები მიჰყავს. როგორც კი ცხოველის მდგომარეობა უმჯობესდება, საიმედო ოჯახებში აბინავებს.
ზოგიერთი ძაღლი, რომელიც ჩინგისთვის ძვირფასია, ამერიკაში მიჰყავს. ცხოველები, რომლებმაც აუტანელი პირობები გადაიტანეს და სტრესულ მდგომარეობაში არიან, აჰყავთ იმ ადამიანებს, რომლებსაც გვერდით მეგობარი სჭირდებათ.
მაგალითად, ესაა გოგონა, რომელსაც თავს დაესხნენ და სტრესიდან ვერ გამოდის.
პროგრამის ფარგლებში, ჩინგმა მას აჩუქა პატარა შეშინებული სამფეხა ძაღლი დოტი.
ისინი ერთად სწავლობენ, თუ როგორ უნდა მიიღონ ცხოვრებისგან სიამოვნება.
"საოცარია, როგორ ცვლიან ძაღლები ადამიანის ცხოვრებას და პირიქით", - ამბობს ჩინგი.
პ.ს. ამ სტატიას ერთვის აზიაში ბოლო ვიზიტის დროს ჩინგის მიერ გადარჩენილი ძაღლების ფოტოები.
ასევე იხილეთ:
ძაღლის ხორცის ფესტივალზე ქალმა ასობით ძაღლი შეჭმას გადაარჩინა
კატა სიკვდილისგან ერთი წუთით ადრე იხსნეს: საშინელი ფოტოს ისტორია ხორცის ფესტივალიდან
ტაივანი გახდა პირველი აზიური ქვეყანა, სადაც ძაღლებისა და კატების ჭამა აკრძალეს!