ვეტერინარულ კლინიკაში გადაყვანილი "მაკე" ძაღლი, აღმოჩნდა, რომ ლეკვებს არ ელოდებოდა
ცხოველთა მოყვარულმა ადამიანებმა უპატრონო ძაღლი ვეტერინარულ ცენტრში
გადაიყვანეს, რადგან იფიქრეს, რომ უმწეო არსება რამდენიმე საათში ლეკვებს გააჩენდა. თუმცა, ვეტ ექიმის თქმით, ძაღლი მაკედ ვერ იქნებოდა, რადგან ის ხვადი იყო და მას უბრალოდ ჭარბი წონა აწუხებდა.
ძაღლი ჩინეთის ერთ-ერთ ქალაქში იპოვეს. ვეტერინარის თქმით, ცხოველის ორგანიზმი კარგად იღებდა საკვებ ნივთიერებებს, სწორედ ეს გახდა გასუქების მიზეზი.
მოხალისეებმა ძაღლი კლინიკაში სპეციალური ამბულატორიული საკაცით გადაიყვანეს, რადგან ცხოველს დამოუკიდებლად გადაადგილება გაუჭირდა.
უპატრონო ძაღლი პირველად სადგურზე შეამჩნიეს. ის მგზავრებს გადაადგილებისას ხელს უშლიდა. ადამიანები ფრთხილობდნენ, რათა "მაკე" ძაღლისთვის ზიანი არ მიეყენებინათ.
იგი გადაიყვანეს ცხოველთა თავშესაფარში, სადაც ვეტერინარმა სპეციალური დიეტა დაუნიშნა და შესაძლოა, 6 წლამდე
ასაკის ჭარბწონიანი ძაღლი კვლავ ფორმაში ჩადგეს.
