არ იყო, მაგრამ შეშინებულ თვალებში ჯერ კიდევ ანათებდა იმედი (+ვიდეო)" width="467" height="270" />
ძაღლი იმდენად გამოფიტული იყო, რომ თავისით ვერ გადაადგილდებოდა.
ვეტერინარებმა ბარილი დაარქვეს.

ძაღლს გადარჩენის შანსი პრაქტიკულად არ ქონდა, მაგრამ მის შეშინებულ თვალებში ჯერ კიდევ ანათებდა იმედი.

არანაირ საკვებზე არ შეიძლებოდა საუბარი, რადგან ძაღლის შინაგანი ორგანოები ატროფირებული იყო, ამიტომ ბარილს წვეთოვანი დაუდგეს, რომელსაც ხელი უნდა შეეწყო ნივთიერებათა ცვლისთვის. როდესაც ეს ეტაპი წარმატებით დასრულდა, მისი გამოკვება სცადეს.
თავიდან წყლისა და საკვების მცირე ულუფებით დაიწყეს - დღეში 5-6-ჯერ. ასე ბარილიმ რამოდენიმე კილოგრამით მოიმატა. იმის მიხედვით, თუ რამდენად იმატებდა ის წონაში, მატულობდა მისი რწმენა საკუთარ თავში.

ცხოველთა დამცველი აქტივისტები, რომლებმაც ბარილი გადაარჩინეს, ფიქრობენ, რომ ის 10 თვისაა და მთელი ამ ხნის განმავლობაში ძაღლი შიმშილობდა.



რამოდენიმე კვირის შემდეგ, როგორც კი ბარილმა მოიკეთა, უკვე შეიძლებოდა მისი ჯიშის გარკვევა. ის ბელგიური ნაგაზის მეტისი აღმოჩნდა და ახლა, როდესაც ძაღლი სრულიად გამოკეთდა უკვე შეგიძლიათ შეაფასოთ მისი სილამაზე. ბარილს მართლაც გაუმართლა, რადგან არავინ იცის, კიდევ რამდენ ხანს იცოცხლებდა ვეტერინარებს რომ დროულად არ მიესწროთ.

აქვე კარგ ამბავსაც შეგატყობინებთ. ბარილს ახალი სახლი და პატრონი გამოუჩნდა! ესპანელმა ედუარდო როდრიგესმა გადაწყვიტა ამ შესანიშნავი ძაღლის აყვანა. ბარილს ახალ ოჯახში ელოდა ედუარდოს ცოლი, შვილი და … 5 ძაღლი!

ბარილის ახალი ცხოვრება დაიწყო და ყველაფერი ცუდი, რაც მან გადაიტანა, სულ მალე დავიწყებას მიეცემა.

ყველაზე დიდი როლი ძაღლის გადარჩენაში შეასრულეს გულისხმიერმა ადამიანებმა, რომლებმაც ერთი ზარით პოლიციაში ძაღლი გარდაუვალი სიკვდილისგან იხსნეს.

იხილეთ ვიდეო