სპეციალისტებმა დაადგინეს, რომ ძაღლების 30 %-ს ახალი წლების შემდეგ უვითარდებათ არაადეკვატური ქცევები, რაც სტრესისა და ნევროზის ნიშანია. მიზეზი კი საახალწლო ასაფეთქებლებია.

ახალი წლის მოახლოებასთან ერთად მაღაზიის დახლებზე ჩნდება სხვადასხვა სახის საახალწლო ასაფეთქებელი ნივთიერებები. არიან ადამიანები, რომლებსაც მისი ხმა აღიზიანებთ და ნერვიულ სისტემაზე უარყოფითად მოქმედებს, თუმცა, ამ დროს ყველაზე მეტად ცხოველები ზარალდებიან.

ძაღლის პატრონების უმეტესობამ არც კი იცის, რომ მათი ცხოველი ამ ხმაურზე განიცდის სტრესს, ხოლო ნერვიული ქცევები რამდენიმე დღის შემდეგ უვითარდება.

ვეტერინარები აღნიშნავენ, რომ ყურადღებიანმა პატრონმა თავადვე შეიძლება გამოიცნოს შინაური ცხოველის ნევროზული ხასიათი, მისი ქცევებიდან გამომდინარე. კერძოდ, ძაღლი სეირნობის დროს და სახლში უჩვეულოდ იქცევა - ის არაადეკვატურია, ცდილობს დამალვას, ეკარგება მადა და მეტიც, შესაძლოა დაემართოს კრუნჩხვა.

რჩევა: რა თქმა უნდა, ქალაქში დღესასწაულისგან გამოწვეულ ქაოსს პატრონი ვერ აღკვეთს, თუმცა, ამ დროს ვეტერინარები გირჩევენ, რაც შეიძლება მეტი მოეფეროთ თქვენს შინაურ ბინადარს. აგრძნობინეთ მას, რომ დაცულია თქვენს გვერდით და საფრთხე არ ემუქრება, ეს შედარებით შეუმსუბუქებს სტრესულ მდგომარეობას.

ასევე იხილეთ:

ბრიტანელი ვეტერინარები: "ნუ დატოვებთ ძაღლს მანქანაში"

ვეტერინარემბა ძაღლებში კიბოს გამომწვევი ერთ-ერთი მთავარი მიზეზი დაასახელეს

ბრიტანელმა სპეციალისტებმა გამოიკვლიეს, რატომ სუქდებიან ლაბრადორები