ცხოველი ცოცხლად იყო დამარხული და ის უკვე სიკვდილის პირას იმყოფებოდა.
"მხოლოდ ძაღლის თავი ჩანდა, თუმცა, ისიც ძლივს დავინახე, რადგან მთლიანი სხეული მიწით იყო დაფარული, თვალები კი მიწით ამოვსებული."- წერს პედრო დენისი Facebook-ის გვერდზე.
ამ განცხადებას სოციალურ ქსელში დიდი გამოხმაურება მოჰყვა. ადამიანები გმობდნენ ცხოველისადმი სასტიკ მოპყრობას და დამნაშავის დასჯას მოითხოვდნენ.
საბოლოოდ, ინციდენტით ადგილობრივი პოლიცია დაინტერესდა.
სამართალდამცველებმა იპოვეს ძაღლის პატრონი, რომელიც 21 წლის მამაკაცი
"ძაღლი დაახლოებით 10 წლის იქნება და მას ართრიტი აქვს. რთული წარმოსადგენია, რომ ის ვინმეს გაექცეოდა."- ამბობენ სამართალდამცველები.
ძაღლის პატრონს სასამართლოში მოუწევს თავის მართლება. საფრანგეთის კანონის მიხედვით, ცხოველის მიმართ სასტიკი მოპყრობა ისჯება 2-წლიანი თავისუფლების აღკვეთით და 30 ათასი ევროს ჯარიმით.
თვითმხილველების თქმით, ძაღლი მიწის სიღრმეში იყო ჩამარხული, მას კისერზე ჰქონდა მობმული ბაწარი, რომელსაც ქვები იჭერდა, რათა ძაღლი ვერ ამოსულიყო.
საფრანგეთის სოციალურ ქსელებში, ცოცხლად დამარხული ძაღლის ამბავი მთავარ თემად იქცა. ადამიანები მაქსიმალურ სასჯელს ითხოვენ ძაღლის პატრონის მიმართ. 135 ათაზე მეტმა ადამიანმა მოაწერა ხელი ონლაინ პეტიციას.
ასევე იხილეთ:
მან ბრძანება გასცა ძაღლი ცოცხლად დაემარხათ
ჯაჭვით დაბმული ძაღლი ქვებს ჭამდა, რათა შიმშილით არ მომკვდარიყო
ძაღლის ცემისთვის კომპანიის დირექტორი 100 000 დოლარით დააჯარიმეს