ეს სულისშემძვრელი ისტორია მაშინ დაიწყო, როდესაც ბრუტი ჯერ კიდევ ლეკვი იყო. იგი პატრონმა გაყინული და მშიერი მიატოვა. ქუჩაში ძალიან ყინავდა და პატარას ფეხები მოეყინა, მაგრამ ამაზე უარესი, რაც მოხდა ის იყო, რომ პატრონებმა თავისით სცადეს ოპერაციის გაკეთება და ლეკვისთვის ფეხების ამპუტაცია. ძაღლი
"ბრუტისთვის პროტეზი რომ არ გაგვეკეთებინა, იგი ვერასოდეს გაივლიდა და ოთხკედელს შორის დარჩებოდა", - ჰყვება ბრუტის ახალი პატრონი, ლაურა აკვილინა.
ეს რომ არ მომხდარიყო, ძაღლის პატრონმა და მისმა სხვა გულშემატკივრებმა შექმნეს ფონდი და ძაღლის საოპერაციო თანხა შეაგროვეს. 13 000$ მოგროვდა და ბრუტმა, როგორც იქნა, სიარული შეძლო.
ბრუტის გზა გამოჯანმრთელებისკენ არ იყო ადვილი - საერთო ჯამში, ამას რეაბილიტაციის 6 დამღლელი თვე და 8 გრძელი კვირა დასჭირდა. დღეს ძაღლის მდგომარეობა გამოჯანმრთელებისკენ მიდის. ძაღლი ფიზიკურ თერაპიას გადის.
"ბრუტთან ვიმუშავებთ, რომ მან ბოლომდე შეძლოს შეგუება თავის ახალ პროტეზთან, რის შემდეგაც ის სხვა ძაღლებთან ერთად სირბილსა და თამაშს შეძლებს", - ამბობს ვეტერინარი საშა ფოსტერი.
ბრუტს მნიშვნელოვანი პროგრესი დაეტყო. ნახეთ რა ყოჩაღია!
დღეს ბევრ ძაღლს, რომლებმაც სხვადასხვა მიზეზით დაკარგეს გადაადგილების უნარი, უბრალოდ აძინებენ. ბრუტის ისტორია ასეთი ძაღლების პატრონებისთვის მაგალითად უნდა იქცეს.
იხილეთ ვიდეო