ეს ამბავი უპატრონო ძაღლზეა, რომელიც ჰიუსტონის ქუჩებში, მთელი დღე, ლუკმა პურის საშოვნელად დადიოდა. იგი თავისი უიმედო სიცოცხლის გახანგრძლივებას ცდილობდა. ძაღლი საშინელ მდგომარეობაში იყო, მას კანის დაავადება სჭირდა. ის იდგა ქუჩაში და გამვლელებს სევდიანი თვალებით უყურებდა, როდესაც ერთ-ერთმა მამაკაცმა ფოტო გადაუღო, შემდეგ ინსტაგრამზე ატვირთა და სურათს სიცილი დაურთო. საბედნიეროდ, ფოტო სწრაფად გავრცელდა სოციალურ ქსელში. ძაღლმა ადგილობრივი ცხოველთა გადარჩენის ორგანიზაციის ყურადღება მიიპყრო. 

ძაღლი ქუჩიდან აიყვანეს და Pumpkin (გოგრა) დაარქვეს, თუმცა, როგორც გაირკვა, მას პატარა ლეკვიც ჰყავდა. ლეკვი ძალიან დასუსტებული აღმოჩნდა, მას არა ერთი დაავადება სჭირდა, ექიმები მის გადარჩენას ვერ ახერხებდნენ. 

მომვლელებმა და ვეტ-ექიმებმა დიდი ენერგია დახარჯეს Pumpkin-ის გამოსაჯანმრთელებლად. ძაღლი რამდენიმე კვირაში სრულიად შეიცვალა: გალამაზდა და თმაც გაეზარდა. ის დღეს კეთილ ადამიანებთან ცხოვრობს და მეგობარი ძაღლებიც შეიძინა, ვისთან ერთადაც ძალიან ბედნიერია.



იხილეთ ვიდეო, უპატრონო ძაღლის ტრაგიკული ისტორია, რომელმაც, საბოლოოდ, სითბო და მოსიყვარულე ადამიანები იპოვა.

ასევე იხილეთ:

ერთგული ძაღლი პატრონის საფლავთან 15 დღე იწვა

ლეკვი ფრაგოლის ბედნიერი მომავალი

უბედნიერესი ძაღლი, რომელმაც ყველაზე კარგი ოჯახი იპოვა