მკვლევარებმა ჩაატარეს ექსპერიმენტი, რომელშიც სამი ძაღლი მონაწილეობდა: ოქროსფერი რეტრივერი, ტოლერი და შერეული ჯიში ანუ მეტისი. ყოველი მათგანის სიახლოვეს მოათავსეს ერთი და იგივე ნივთები, რომლებიც ერთმანეთისგან მხოლოდ ტემპერატურით განსხვავდებოდა: ერთის ტემპერატურა ოთახისას არ აღემატებოდა, ხოლო მეორე 12 გრადუსით მეტ სითბოს გამოყოფდა. აღმოჩნდა, რომ სამივე ცდის ობიექტმა, დაახლოებით სამი
ექსპერიმენტის ავტორებმა აღნიშნეს, რომ ტემპერატურის სხვაობა საკმაოდ დაბალი იყო იმისათვის, რომ ეს ადამიანს ხელით შეხების გარეშე გაერჩია.
ასევე სპეციალისტებმა 13 სხვადასხვა ჯიშის ძაღლზე მაგნიტო-რეზონანსული ტომოგრაფია ჩაატარეს. კვლევის პროცესში ყოველი მათგანის ცხვირთან მოათავსეს თბილი ნივთი. ტომოგრაფიის სურათებმა აჩვენა, რომ ნივთის არსებობამ ძაღლის ტვინის გააქტიურება გამოიწვია.
სტატიაში აღნიშნულია, რომ +30 გრადუსზე ძაღლის ცხვირი დაახლოებით ხუთი გრადუსით გრილია. თუ ქუჩაში 0 გრადუსია, ამ ცხოველის ცხვირის ტემპერატურა მიახლოებით +7 გრადუსია, ხოლო +15 გრადუსის შემთხვევაში, ის იგივე რჩება.
ამ დრომდე, მკვლევარები თვლიდნენ, რომ ეს პროცესი თერმორეგულაციას ეხებოდა, მაგრამ ისინი ეჭვს გამოთქვამენ, რომ ამ მხრივ ცხვირი საერთოდ არ მონაწილეობს. მაგალითად, სიცხის დროს ძაღლი პირს აღებს და ენას იგრილებს, რომელიც საკმაოდ ცხელია. ამ დროს ცხოველი ხშირად სუნთქავს და ამ მოქმედებით გრილდება, ეს უზრუნველყოფს ტენიანობის აორთქლებას და სხეულის გაგრილებას. ბოლო კვლევებით სპეციალისტებმა გამოავლინეს, რომ ცხვირი რჩება გრილი და ამ პროცესში მონაწილეობას არ იღებს.
წყარო: nature.com
ასევე იხილეთ:
ძაღლები დროს ყნოსვით აღიქვამენ
რატომ უყვართ ძაღლების უმეტესობას ტალახში გორაობა?
ძაღლების შესახებ რამდენიმე ფაქტი, რომლებიც შესაძლოა, პირველად შეიტყოთ
